16:28, 11 - قاڭتار 2017 | GMT +5
قازاقستانمەن شەكارادا قىتايلىق كومپانيا روبوتتار بازاسىن قۇرادى
بەيجىڭ. قازاقپارات - قىتاي كومپانياسى قازاقستانمەن شەكارالاس قورعاس قالاسىندا تاياۋ شىعىس، ورتالىق ازيا، رەسەي ەلدەرىندەگى ساراپشىلارعا ەكسپورتتاۋ ءۇشىن روبوتتاردىڭ ونەركاسىپتىك ءوندىرىسىن قۇرادى، دەپ حابارلادى «شينحۋا» اگەنتتىگىنە سىلتەمە جاساپ «قازاقپارات» حاا مەنشىكتى ءتىلشىسى.

شىنجىندە تىركەلگەن «Horgos Boshihao Electronic» كومپانياسى وسى جىلعى مامىردا جاڭا زاۋىتتا جىل سايىن 10 مىڭعا جۋىق روبوت شىعارۋدى جوسپارلاۋدا: %80 روبوت - قىزمەت كورسەتۋ سالاسىنا، %20 - ونەركاسىپتىك ماقساتتا.
«الداعى 5-10 جىلدا كومپانيا قورعاستا ەلەكتروندىق ءونىمنىڭ عىلىمي- ونەركاسىپتىك پاركىن قۇرۋدى جوسپارلاۋدا»، - دەگەن «Horgos Boshihao Electronic» باس مەنەدجەرى مين جيانبونىڭ ءسوزىن كەلتىرەدى اگەنتتىك.
ول قازاقستانمەن شەكارا ارقىلى قىتاي مەن ەۋروپا اراسىنداعى تەمىر جول قاتىناسىن دامىتۋ سالىنىپ جاتقان زاۋىت ونىمدەرىن ەكسپورتتاۋ ءۇشىن قولايلى جاعداي تۋدىراتىنىنا سەنىم ءبىلدىردى.
ەسكە سالساق، قورعاس قالاسىنىڭ نەگىزى 2014 -جىلى قالاندى.