قازاقستان تەلەارناسىندا ءبىرقاتار باعدارلامالار جابىلادى

ونىڭ ايتۋىنشا، «قازاقستان» تەلەارناسىندا كورەرمەننىڭ كوڭىلىنەن شىقپاعان ءبىرقاتار باعدارلاما جابىلادى. «(وزگەرىستىڭ - رەد) ءبىرىنشىسى، 2016 -جىلدىڭ قورىتىندىسى بويىنشا بىرنەشە باعدارلامالاردى توقتاقتىق. ولاردىڭ قاتارىندا «اگروبيزنەس» ، «جان جىلۋى» ، «تابىس سىرى» ، «بىلگىرلەر بايگەسى» . وكىنىشكە وراي، بۇل باعدارلامالار كورەرمەننىڭ كوڭىلىنەن شىقپادى، كونسەپتسياسىندا، ساپاسىندا وزگەرتۋدى تالاپ ەتەدى. وسىلاي توقسان سايىن ۇلتتىق ارنانىڭ باعدارلامالارىن ىرىكتەپ تۇرامىز. شامالىسىن توقتاتىپ، ورنىنا تاجىريبەلى ارىپتەستەردى شاقىرىپ سول تاقىرىپتا جاڭا كونسەپتسيامەن جوبالار جاسايمىز» ، دەپ جازدى باسقارما ءتوراعاسى.
سونىمەن قاتار، الداعى ۋاقىتتا كورپوراتسيا قوعاممەن بايلانىستى جاقسارتپاق.
«ەكىنشى وزگەرىس - قوعاممەن قارىم- قاتىناسىمىزدى اشىق تۇردە جۇيەلەپ جۇرگىزەتىن بولامىز. جاڭا جوبالار جاسار كەزدە، نارىقتاعى تاجىريبەلى پروداكشن كومپانيالاردىڭ بارلىعىن شاقىرىپ، ەرەجەلەرىن الدىن الا بەلگىلەپ، سولاردىڭ اراسىندا سايىس جاريالاپ تۇرامىز. وسى تۇرعىدا جوعارىدا ايتىلعانداي توقتاتىلعان باعدارلامالاردىڭ ورنىنا جاڭا تەليەۆيزيالىق جوبالارعا بايقاۋ جاريالايمىز. تەلەباعدارلامالار دايىندايتىن كومپانيالاردى ارىپتەستىككە شاقىرامىز» ، دەدى كەمەلبەك ويشىبايەۆ.
«قازاقستان» ۇلتتىق ارناسىندا شىعاتىن جاڭا كرەاتيۆتى باستاماعا نەگىزدەلگەن باعدارلامالار تاڭدالادى. وسى باعىتتاعى ۇسىنىستار بويىنشا تەلەارنا اگرارلىق، شاعىن جانە ورتا بيزنەسكە قاتىستى، سونىمەن قاتار الەۋمەتتىك جانە كوڭىل كوتەرەرلىك تاقىرىپتارعا بايلانىستى پرەزەنتاتسيا نەمەسە بەينەروليكتەردى ۇستىمىزدەگى جىلدىڭ 20 -قاڭتارىنا شەيىن قابىلدايدى.