13:32, 11 - قاڭتار 2017 | GMT +5
ءيت قىمبات باعالى سىرعانى جۇتىپ قويدى
استانا. قازاقپارات - شوتلانديانىڭ داندي قالاسىندا شاشتارازدىڭ ءيتى قۇنى 500 فۋنت ستەرلينگ (شامامەن 200 مىڭ تەڭگە) بولاتىن گاۋھار تاسى بار سىرعانى جۇتىپ قويدى، دەپ حابارلايدى Daily Record.

كليەنت سىرعاسىنىڭ جوعالعانىن ايتقاندا، شاشتاراز بۇكىل ءۇيدى قاراپ، ەشتەڭە تاپپاعان. وسىلان كەيىن كىشكەنتاي يت - چيحۋاحۋاعا كۇدىك ءتۇستى. ۆەتەرينار قىمبات اشەكەيدىڭ جانۋاردىڭ اسقازانىندا جاتقانىن راستادى.
چيحۋاحۋاعا قۇستىراتىن ءدارى بەردى، الايدا سىرعانى قايتارۋعا مۇنىڭ ەش كومەگى بولمادى. الداعى ەكى كۇن بويى شاشتاراز جۇمىستى قويىپ، ءيتىن اڭدۋمەن بولدى. ايتەۋىر سوڭىندا سىرعا تابىلدى.