جاستاردىڭ ءدىني «يممۋنيتەتىن» قالىپتاستىرۋ ءۇشىن ءوز ءمازحابىمىزدى وقىتۋدى كۇشەيتە الامىز با - ءمينيستردىڭ جاۋابى
وسىنىڭ ناتيجەسىندە جاستاردىڭ بويىندا ءدىني «يممۋنيتەت» قالىپتاسادى. قازاقپارات تىلشىسىنە سۇحبات بەرگەن ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ وسى پىكىرگە قاتىستى ءوز ويىن ءبىلدىردى، دەپ حابارلايدى قازاقپارات ءتىلشىسى.
«قازاقستان - كوپ ۇلتتى ءارى كوپ كونفەسسيالى مەملەكەت. بىزدە باسقا كونفەسسيالاردىڭ كوپ ەكەنىن ءبارىمىز جاقسى بىلەمىز. ال سولاردىڭ ىشىندە مۇسىلماندار جايىندا ايتاتىن بولساق، ولاردىڭ ىشىندە دىنگە قىزىعاتىن جانە قىزىقپايتىن ادامدار دا بار. بۇل - زايىرلى مەملەكەتكە ءتان نارسە. سوندىقتان دىنگە قىزىعۋشىلىعى بار ادامدارعا، ارينە، مىندەتتى تۇردە ءوزىمىزدىڭ ءداستۇرلى ءدىني ۇستانىمىمىزدى دۇرىس جەتكىزۋىمىز كەرەك. الايدا زايىرلى مەملەكەتتىڭ باستى قاعيداتتارىنا سايكەس، دىنگە قىزىعۋشىلىعى جوق ادامدارعا جاساندى تۇردە ءدىندى ناسيحاتتاۋدىڭ قاجەتى جوق، ولاردى مىندەتتەۋگە بولمايدى»، - دەيدى ن. ەرمەكبايەۆ.
ونىڭ ايتۋىنشا، بۇگىندە دىنگە بايلانىستى مەملەكەتتىك ساياسات سالاسىندا تۇجىرىمداما ازىرلەنىپ جاتىر. «قازىر ونى جان- جاقتى تالقىلاپ جاتىرمىز. وندا جالپى تەوريالىق ماسەلەلەر قامتىلىپ، ءدىن سالاسىنداعى نەگىزگى قاعيدالارعا تۇسىنىكتەمە بەرىلەتىن بولادى»، - دەپ اتاپ كورسەتتى مينيستر.
ايتا كەتەيىك، استانادا وتكەن جيىنداردىڭ بىرىندە پارلامەنت ءماجىلىسىنىڭ دەپۋتاتى ماۋلەن اشىمبايەۆ «راديكالدى اعىمدارعا قارسى كۇرەسۋدىڭ بىردەن- ءبىر جولى ول - ءوز يدەولوگيامىزدى كۇشەيتۋ» دەگەن پىكىرىن بىلدىرگەن بولاتىن.
«راديكالدى اعىمدار - بۇل يدەولوگيا. وعان جايدان جاي تىيىم سالا المايسىڭ. قوعامدىق ۇيىم بولسا، جاۋىپ تاستاۋعا بولاتىن ەدى. ال يدەولوگياعا ءبىز قالايشا تىيىم سالامىز؟ ارينە، قانداي دا ءبىر شەشىمدەردى قابىلداۋعا بولادى. الايدا يدەولوگيامەن كۇرەسۋدىڭ ەڭ ءتيىمدى جولى - وعان قارسى باسقا يدەولوگيانى قويۋ. ءبىز وعان قارسى ءوز يدەولوگيامىزدى قارسى قويۋىمىز قاجەت. ءبىزدىڭ يدەولوگيامىز - حانافي مازحابى يدەولوگياسى، تولەرانتتىلىق يدەولوگياسى، مادەنيارالىق ديالوگ يدەولوگياسى. مىنە، ءبىز وسى تۇرعىدا كۇرەس شارالارىن جۇرگىزۋىمىز كەرەك»، - دەدى م. اشىمبايەۆ.
دەپۋتاتتىڭ ايتۋىنشا، ەلىمىزدە لاڭكەستىك ارەكەتتەردىڭ جيىلەپ كەتۋىنە تەك ىشكى ىستەر مينسترلىگى، ۇلتتىق قاۋىپسىزدىك كوميتەتى مەن پروكۋراتۋرا ورگاندارى عانا جاۋاپتى دەپ ويلاۋعا بولمايدى.
«ءيا، اتالعان كۇشتىك قۇرىلىمدار ونداي ارەكەتتەرگە جول بەرمەۋى كەرەك. دەگەنمەن، جاۋاپكەرشىلىكتىڭ جۇگى بۇكىل قازاقستاندىق قوعامعا ءتۇسىپ وتىر. سونىڭ ىشىندە ازاماتتىق قوعام ينستيتۋتتارى، ءبىلىم بەرۋ جۇيەسى، بۇقارالىق اقپارات قۇرالدارى، ۇكىمەتتىك ەمەس ۇيىمدار جانە تاعىسىن تاعى. بۇل دەگەنىمىز، ءبىز ءبارىمىز سول قاۋىپ- قاتەرلەردىڭ الدىن الۋدى ويلاۋىمىز قاجەت. ءوز يدەولوگيامىزدى كۇشەيتۋىمىز كەرەك»، - دەپ اتاپ كورسەتتى ءماجىلىس دەپۋتاتى.
اۆتور: ارمان اسقاروۆ
