ب ۇ ۇ پان گي مۋننىڭ تۋىستارىنا تاعىلعان ايىپتاۋلارعا پىكىر بىلدىرۋدەن باس تارتتى

استانا. قازاقپارات - بىرىككەن ۇلتتار ۇيىمى ب ۇ ۇ- نىڭ بۇرىنعى باس حاتشىسى پان گي مۋننىڭ تۋىستارىنا امەريكا بيلىگى تاعىپ وتىرعان ايىپتاۋلار بويىنشا پىكىر بىلدىرمەيدى، دەپ ءمالىم ەتتى «ر ي ا نوۆوستي» اگەنتتىگىنە ب ۇ ۇ باس حاتشىلىعىنىڭ وكىلى ستەفان ديۋجارريك.
None
None

«ءبىز بۇل ماسەلە بويىنشا پىكىر بىلدىرمەيمىز»، - دەپ اتاپ ءوتتى ديۋجارريك.

 ا ق ش بيلىگى ب ۇ ۇ- نىڭ بۇرىنعى باس حاتشىسى پان گي مۋننىڭ اعاسى مەن جيەنىنە پاراقورلىق ءىسى بويىنشا ايىپ تاققان بولاتىن. بۇل تۋرالى رەيتەر اگەنتتىگى سوت قۇجاتتارىنا سىلتەمە جاساپ حابارلادى.

ايىپتاۋ قورىتىندىسى مانحەتتەن سوتىنا تاپسىرىلدى. قۇجاتتارعا سايكەس، ەكس- باس حاتشىنىڭ جيەنى پان چۋ حيەن مەن ونىڭ اعاسى پان گي سانعا تاياۋ شىعىس ەلدەرىنىڭ رەسمي وكىلدەرىن «ساتىپ الۋ» ماقساتىندا ءسوز بايلاسقان دەگەن ايىپ تاعىلۋدا.

اگەنتتىك مالىمەتىنشە، اتالمىش ءىس ۆەتنامدا 800 ميلليون دوللارعا عيماراتتار كەشەنىن ساتۋ ارەكەتىمەن بايلانىستى. ب ۇ ۇ- نىڭ بۇرىنعى باس حاتشىسىنىڭ جيەنى نيۋ- يوركتە جىلجىمايتىن مۇلىك ساۋداسى بويىنشا اگەنت بولىپ جۇمىس ىستەيدى، ال اعاسى وڭتۇستىككورەيالىق Keangnam Enterprises Co Ltd قۇرىلىس كومپانياسىندا اعا كەڭەسشى بولىپ تابىلادى.

سوڭعى جاڭالىقتار