ۇلتتىق ۇلان اسكەرلەرى شاحانداعى قۇتقارۋ وپەراتسيالارىنا قاتىسقاندارى ءۇشىن ماراپاتتالدى - فوتو

سالتاناتتى جيىندا ۇزدىك اسكەري قىزمەتشىلەردى ناگرادامەن ماراپاتتادى.
«ق ر ۇلتتىق ۇلانى 52859 اسكەري بولىمىندە ءۇش اسكەري قىزمەتشىسى شاحانداعى قۇتقارۋ وپەراتسيالارىنا قاتىسقاندارى ءۇشىن «ۇلتتىق ۇلان قىزمەتىنىڭ ۇزدىگى» توسبەلگىسىمەن ماراپاتتالدى. ولار - اعا سەرجانت نيكيتا مەيىرجايەۆ، ەفرەيتور دانيار شالقاروۆ جانە پودپولكوۆنيك سەرىك اياشەۆ»، - دەپ حابارلادى 52859- اسكەري ءبولىمى كومانديرىنىڭ ورىنباسارى، پودپولكوۆنيك مۇرات مولدابايەۆ.
ول قيراعان تۇرعىن ءۇيدىڭ استىندا قالىپ قويعان 32 جاستاعى تۇرعىندى قۇتقارعانى تۋرالى ايتتى.
«1 -قاڭتار كۇنى ۇلتتىق ۇلاننىڭ جەكە قۇرامى كۇشەيتىلگەن رەجىمدە جۇمىس جاسادى. اسكەري بولىمگە شاحان كەنتىندە توتەنشە جاعداي بولعانى تۋرالى حابارلاما كەلىپ ءتۇستى. جەدەل تۇردە وقيعا ورنىنا باردىق»، - دەپ اتاپ ءوتتى سۇحباتتاسۋشى.
«اسكەري قىزمەتشىلەر ىزدەۋ- قۇتقارۋ جۇمىستارىنا كىرىسىپ كەتتى. تۇرعىندار قيراعان ءۇيىندىنىڭ استىندا ەر كىسىنىڭ بار ەكەنىن ايتتى. ەر ادامنىڭ كومەككە شاقىرعان ايقايى ەستىلدى. تەك ءبىر ماقسات - نە بولسا دا، قانداي جاعداي بولسا دا ادامدى قۇتقارۋ كەرەك بولدى. ءبىزدىڭ ءبولىمنىڭ پسيحولوگى ەر كىسىمەن بايلانىستى ءۇزىپ الماس ءۇشىن سويلەسىپ وتىردى. ءبىزدىڭ «باگيرا» اتتى ءيتىمىز بەلگى بەرىپ، ەر كىسىنى قۇتقارۋ ءۇشىن سول جەردەگى ۇيىندىلەردى الا باستادىق».