الماتى ماڭى قاڭعىباستاردان تازارتىلىپ جاتىر

ەسكە سالا كەتەيىك، الماتى وبلىسىنىڭ وڭتۇستىك وڭىرلەرىندەگى بەس اۋداندا «قۇقىقتىق ءتارتىپ» شاراسى باستالعان بولاتىن. ونىڭ ماقساتى 28 ى قىسقى ۋنيۆەرسيادا قارساڭىندا جەدەل جاعدايدىڭ تۇراقتىعىن قامتاماسىز ەتۋ بولىپ تابىلادى، دەپ حابارلايدى قازاقپارات ءتىلشىسى.
پوليتسيا قىزمەتكەرلەرىنىڭ الدىن الۋ شاراسى ۋنيۆەرسياداعا دەيىنگى 6-25 -قاڭتار ارالىعىندا وتەدى. نەگىزگى ماسەلە قوعامدىق قاۋىپسىزدىككە، ەسىرتكى مەن قارۋ- جاراقتىڭ زاڭسىز اينالىمىنا، كوشى- قون زاڭناماسى بۇزۋشىلىقتارىن بولدىرماۋعا، قىلمىسكەرلەر مەن ءىز- ءتۇسسىز جوعالعانداردى ىزدەستىرۋگە باسا نازار اۋدارۋدا بولىپ وتىر.
«ءتورت كۇننىڭ ىشىندە ارنايى ورىندارعا 100 گە جۋىق تۇرعىلىقتى مەكەن جايى جوق ازاماتتار جەتكىزىلدى. ولار نەگىزىنەن قاراساي، تالعار، جامبىل، ىلە جانە ەڭبەكشى قازاق اۋداندارىندا ۇستالعان ءارى ەشقانداي دا جەكە باسىن كۋالاندىراتىن قۇجاتتاردى كورسەتپەگەن. ولاردىڭ باسىم بولىگى قازاقستانعا جۇمىس ىزدەپ كەلگەن كورشىلەس ەلدەردىڭ ازاماتتارى بولىپ وتىر. ونداي ازاماتتاردىڭ اربىرەۋىنىڭ جەكە باسىن انىقتاۋعا ءبىر ايعا جۋىق ۋاقىت كەتەدى»، - دەلىنگەن وبلىستىق ءى ءى د باسپا ءسوز قىزمەتى.
رەيد بارىسىندا پوليتسيا قىزمەتكەرلەرى كوشى- قون زاڭناماسىن بۇزعان 295 ادامدى جاۋاپقا تارتتى. ولاردىڭ 194 ى - شەتەل ازاماتتارى.
اۆتور: سامال قابىشەۆا