مەكتەپتەردە كاسىپتىك باعدارلاۋ كابينەتتەرى اشىلادى

استانا. قازاقپارات - ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆانىڭ ايتۋىنشا، اعىمداعى جىلى ەلىمىزدىڭ بارلىق مەكتەپتەرىندە كاسىپتىك باعدارلاۋ كابينەتتەرى اشىلادى، دەپ حابارلايدى قازاقپارات ءتىلشىسى.
None
None

ونىڭ سوزىنە قاراعاندا، بيىل جاستاردى كاسىپتىك باعدارلاۋ جۇمىسى مەملەكەتتىك قولداۋدىڭ ماڭىزدى باعىتى بولماق. ء«بىلىم جانە عىلىم مينيسترلىگىنىڭ باسشىلىعىمەن 8 مىڭعا جۋىق مەكتەپتە كاسىپتىك باعدارلاۋ كابينەتتەرى اشىلاتىن بولادى. مۇندا جوعارى سىنىپ وقۋشىلارىنا كاسىپتىك داعدىلاۋ باعىتتارى، جاڭا ءارى ەڭبەك نارىعىندا سۇرانىسقا يە ماماندىقتار تۋرالى اقپاراتتار بەرىلىپ، قاجەتتى تەستىلەۋ باعدارلامالارى جۇرگىزىلەدى.

بۇل وتە قاجەتتى، ماڭىزدى جانە جۇمىسسىزدىقتىڭ الدىن الۋداعى نەگىزگى شارا بولىپ تابىلادى. سوندىقتان وبلىستار، استانا مەن الماتى قالالارىنىڭ اكىمدەرىنەن كاسىپتىك باعدارلاۋ جۇمىسىنا كوڭىل ءبولۋدى جانە وسى باعىتتا ناقتى شارالاردى قابىلداۋدى سۇرايمىن»، - دەدى ت. دۇيسەنوۆا ۇكىمەتتىڭ بۇگىنگى وتىرىسىندا.

ايتا كەتەيىك، دۇيسەنوۆا حانىم جاڭا باعدارلامانى پايدالانىپ، اۋىلدا جۇمىسسىز جۇرگەن جاستاردى كاسىپكەرلىككە باۋلۋدى دا كوزدەپ وتىر.

 

 

  

سوڭعى جاڭالىقتار