مينيستر «دارىن» سىيلىعىن جىل سايىن بەرۋدى ۇسىندى

استانا. قازاقپارات - ۇكىمەتتىڭ بۇگىنگى وتىرىسىندا ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ مەملەكەتتىك «دارىن» جاستار سىيلىعىن جىل سايىن بەرۋدى ۇسىندى، دەپ حابارلايدى قازاقپارات ءتىلشىسى.
None
None

«بىزدە ەكى جىلدا ءبىر رەت «دارىن» سىيلىعى بەرىلىپ تۇرادى. ونى جىلدا تاعايىنداۋدى ۇسىنامىز. وسىنىڭ ارقاسىندا دارىندى جاستاردىڭ مۇمكىندىكتەرىن بارىنشا كەڭەيتىپ، عىلىمي- شىعارماشىلىق ىنتاسىن كۇشەيتۋگە بولادى»، - دەدى ن. ەرمەكبايەۆ.

سونداي-اق مينيستر بارلىق مەكتەپتەردە ءبىر ۋاقىتتا «وتباسى ساعاتىن» وتكىزىپ، وتباسى قۇندىلىقتارىن كەڭىنەن ناسيحاتتاۋدى ۇسىنىپ وتىر. وسى باستاماعا ءبىلىم مينيسترلىگى مەن اكىمدىكتەردىڭ قولداۋى قاجەت.

بۇدان بولەك، ۋنيۆەرسيتەت پەن كوللەدجدەردىڭ جانىنداعى جاستار كوميتەتتەرىمەن تىعىز بايلانىس ورناتىپ، مەملەكەتتىك جاستار ساياساتى سالاسىنداعى شارالاردى كۇشەيتۋ كوزدەلگەن. «قازىرگى كەزدە ءبىز وڭىرلەردەگى جاستارمەن جۇمىس جۇرگىزۋ بويىنشا ءتيىستى كورسەتكىشتەردى قالىپتاستىرۋعا كىرىستىك. اتالعان جۇمىستا رەسمي ستاتيستيكامەن بىرگە مونيتورينگ جۇرگىزۋدىڭ بالامالى تاسىلدەرى قولدانىلادى. سونىڭ ناتيجەسى بويىنشا ءتيىستى شارالار قولعا الىنادى» - دەپ اتاپ كورسەتتى مينيستر.

سوڭعى جاڭالىقتار