بولاشاق ءىرى شارۋاشىلىقتاردىڭ قولىندا - ساپاربايەۆ

اقتوبە. قازاقپارات - اقتوبە وبلىسىندا اۋىل شارۋاشىلىق ءونىمىن ءوندىرۋ كولەمى ارتتى. اتاپ ايتقاندا، تاماق ونەركاسىبىنىڭ كولەمى 39,4 ميلليارد تەڭگەگە وسكەن، دەپ حابارلايدى قازاقپارات ءتىلشىسى.
None
None

بۇل تۋرالى ايماق باسشىسى بەردىبەك ساپاربايەۆتىڭ توراعالىعىمەن وبلىس اكىمدىگىندە وتكەن كەڭەستە تالقىلاندى. كەڭەستە وبلىس تۇرعىندارىنا ساپالى جانە فارماتسيەۆتيكالىق قىزمەتتەر كورسەتۋ، ءدارى- دارمەكتەر باعاسىنا مونيتورينگ جۇرگىزۋ ماسەلەلەرى قارالدى.

«ەلباسى الدىمىزعا ءوڭىردىڭ ازىق- تۇلىك قاۋىپسىزدىگىن قامتاماسىز ەتۋ، سىرتتان كەلەتىن تاماقتار سانىن شەكتەۋ تاپسىرماسىن قويدى. وڭدەۋ كاسىپورنى جۇمىسقا تولىق كولەمدە تارتىلۋى ءتيىس. بۇل ءۇشىن وندىرىستىك اۋىل شارۋاشىلىق كووپەراتيۆتەرىن قالىپتاستىرۋ جانە قولداۋ جۇمىستارىن جالعاستىرعان ءجون. بولاشاق ءىرى شارۋاشىلىقتاردىڭ قولىندا»، - دەدى بەردىبەك ساپاربايەۆ.

 ايتا كەتۋ كەرەك، اقتوبە وبلىسىندا كۇنباعىس مايىن شىعارۋ 48 پايىزعا ءوستى. 2015-2016 -جىلدارى «اقتوبە ەت كلاستەرى» ج ش س مەن «ايبەك» ج ش س جاڭا نىساندارىن ىسكە قوسۋدىڭ ارقاسىندا وڭىردەگى ەت ءوندىرۋ كاسىپورىندارىنىڭ قۋاتى 12,2 مىڭ تونناعا ارتتى. قازىر اۋدانداردا 10 ەت وڭدەۋ، 5 ءسۇت وڭدەۋ سەحتارى جۇمىس ىستەپ تۇر. ءىرى ءسۇت وڭدەۋ كاسىپورىندارىنىڭ وندىرىستىك قۋاتى 44,2 پايىز، ەت وڭدەۋ كاسىپورىندارىنىڭ وندىرىستىك قۋاتى 71,3 پايىز ارتتى.

وتكەن جىلى 72 اۋىل شارۋاشىلىق كووپەراتيۆى قۇرىلسا، ولاردىڭ 39-ى ەت وندىرۋگە مامانداندىرىلعان، تاعى 13- ءسۇت وندىرۋمەن، 14- ءبىر ۋاقىتتا مال جانە ەگىن شارۋاشىلىقتارىمەن، 4 كوپەراتيۆ ءداستۇرلى ەمەس اۋىل شارۋاشىلىق تۇرىمەن اينالىسادى.

سوڭعى جاڭالىقتار