شەتەلدە لاۋازىمدى قىزمەت يەلەنگەن قازاقتار كىمدەر؟

شەتەلدەگى قازاقتاردىڭ اراسىندا لاۋازىمدى قىزمەت اتقارعان باسقا دا ازاماتتار بار دەپ حابارلايدى «ازاتتىق».
جاڭا جىل قارساڭىندا وزبەكستاندا توتەنشە جاعدايلار ءمينيسترى قىزمەتىن اتقارعان ەتنيكالىق قازاق تۇرسىنحان قۇدايبەرگەنوۆ ەل پرەزيدەنتى شاۆكات ميرزيايەۆتىڭ مەملەكەتتىك كەڭەسشىسى بولىپ تاعايىندالدى. ول جەكە جانە زاڭدى تۇلعالاردىڭ وتىنىشتەرىن قاراستىرۋ جۇمىسىن باقىلاۋ جانە ۇيلەستىرۋ بويىنشا كەڭەس بەرمەك.
65 جاستاعى تۇرسىنحان قۇدايبەرگەنوۆ وزبەكستان پرەزيدەنتى كەڭەسشىسى قىزمەتىن بۇعان دەيىن ءبىر رەت - 2001-2006-جىلدارى اتقارعان. ول 2010-جىلدان بەرى ەلدىڭ توتەنشە جاعدايلار مينيسترلىگىن، وعان دەيىن فەرعانا جانە حورەزم وبلىستارىندا ىشكى ىستەر باسقارماسىن باسقارعان.
شەتەلدەگى قازاقتار اراسىندا سول مەملەكەتتەردىڭ لاۋازىمدى قىزمەتتەرىن يەلەنگەن باسقا ازاماتتار دا بار. سولاردىڭ ءبىرى - 1997-جىلدان بەرى رەسەيدىڭ كەمەروۆ وبلىسىنىڭ گۋبەرناتورى امان تولەيەۆ. 1944-جىلى تۇركىمەنستاندا دۇنيەگە كەلگەن امان تولەيەۆ 1990-1993-جىلدارى ر س ف س ر جوعارعى كەڭەسىنىڭ دەپۋتاتى، 1996-1997-جىلدارى رەسەيدىڭ ت م د ەلدەرىمەن قارىم-قاتىناس ءمينيسترى قىزمەتتەرىن اتقارعان.
قازاقستاننان تىس ولكەلەردە مانساپ يەسى بولعان قازاقتاردىڭ ەندى ءبىرى - زاردىقان قينايات ۇلى. 1940-جىلى موڭعوليادا تۋعان زاردىحان قينايات ۇلى 1990-1992-جىلدارى موڭعوليا ۇكىمەتى باسشىسىنىڭ ورىنباسارى جانە پارلامەنتى ءتوراعاسىنىڭ ورىنباسارى قىزمەتتەرىن اتقارعان. ول موڭعوليانىڭ جاڭا كونستيتۋتسياسىن جانە سول ەلدە جۇرگىزىلگەن ساياسي-ەكونوميكالىق رەفورمالاردىڭ قۇقىقتىق نەگىزىن جاساۋشىلاردىڭ ءبىرى رەتىندە تانىلعان. 1994-جىلى قازاقستانعا قونىس اۋدارىپ، عىلىممەن شۇعىلدانعان تاريحشى زاردىقان قينايات ۇلى 2016-جىلى جەلتوقسان ايىندا الماتىدا كوز جۇمدى.
شەتەلدە ءجۇرىپ ساياسي قىزمەتتە وسكەن ەتنيكالىق قازاقتار تىزىمىندە موڭعوليالىق قازاقتاردىڭ ەسىمى كوپتەپ كەزدەسەدى. ولاردىڭ قاتارىندا موڭعوليانىڭ ۆەنگريا مەناۆسترياداعى توتەنشە جانە وكىلەتتى ەلشىسى قىزمەتىن اتقارعان سۇلتان تاۋكەي ۇلى، بۇل ەلدىڭ مىسىرداعى توتەنشە جانە وكىلەتتى ەلشىسى (بىرىككەن اراب امىرلىگى، كۋۆەيت، ومان، كاتار، باحرەين، يزرايلدەگى ەلشى قىزمەتىن قوس اتقارعان) بولعان سايران قادىر ۇلى، موڭعوليانىڭ وساكا قالاسىنداعى (جاپونيا) باس كونسۋلى بولعان كۇلاندا شوناي قىزى دا بار.
لاۋازىمدى قىزمەت اتقارعان قازاقتاردىڭ اراسىندا ەۋروپادا تۇراتىن ازاماتتار دا بار. ماسەلەن، 1988-جىلدان بەرى چەحيادا تۇراتىن 54 جاستاعى ءجاميلا ستەحليكوۆا قوعامدىق-ساياسي قىزمەتپەن اينالىسىپ، جاسىلدار پارتياسىنا وتكەن، كەيىن سول ەلدەگى ادام قۇقىقتارى جانە شاعىن ۇلتتار ماسەلەسى جونىندەگى ءمينيسترى بولعان.
شەتتەگى قازاقتار ەڭ كوپ تۇراتىن ەلدىڭ ءبىرى - قىتايدا دا لاۋازىمدى قىزمەت اتقارعان ەتنيكالىق قازاقتار بارشىلىق. سولاردىڭ ءبىرى، 1934-جىلى قىتايدىڭ التاي ايماعىندا تۋعان ءجانابىل سىماعۇل ۇلى ش ۇ ا ر حالىق ۇكىمەتى ءتوراعاسىنىڭ ورىنباسارى، شىنجاڭ ۇيعىر اۆتونوميالىق رايونى (ش ۇ ا ر) ساياسي كەڭەسىنىڭ ءتوراعاسى بولعان.
قىتايداعى قازاقتاردىڭ ەندى ءبىرى، 1947-جىلى ىلە ايماعىندا تۋعان اسحات كەرىمباي ۇلى ىلە قازاق اۆتونوميالى وبلىسىنىڭ باستىعى، ش ۇ ا ر حالىق ۇكىمەتى ءتوراعاسىنىڭ ورىنباسارى، ش ۇ ا ر ساياسي ءماسليحات كەڭەسىنىڭ ءتوراعاسى قاتارلى مىندەتتەردى اتقارعان.
دۇنيەءجۇزى قازاقتارى قاۋىمداستىعىنىڭ مالىمەتىنشە، 15 ميلليوننان استام قازاقتىڭ 5 ميلليوندايى قازاقستاننان تىسقارى جەرلەردە تۇرادى. شەتەلدەگى قازاقتاردىڭ ەڭ كوبى قىتايدا (1,2 ميلليوننان استام)، وزبەكستان (800 مىڭنان استام) مەن رەسەيدە (600 مىڭنان استام) ءومىر سۇرەدى.