07:51, 10 - قاڭتار 2017 | GMT +5
ا ق ش- تاعى ەڭ تانىمال الىپ اعاش قۇلادى
استانا. قازاقپارات - ا ق ش- تا ەڭ تانىمال - Pioneer Cabin Tree اتتى الىپ اعاش قۇلادى.

كاليفورنيادا وسەتىن سەكۆويانىڭ ۇلكەندىگى سونداي ونىڭ دىڭىندە كولىك ءوتىپ كەتەتىن تۋننەلى بولعان، دەپ حابارلايدى BBC اگەنتتىگى.
اعاشتى سوڭعى ون جىلدا بولماعان داۋىل سۇلاتىپ كەتكەن. تۋننەل اعاش اتالىپ كەتكەن سەكۆويانىڭ جاسى ءبىر مىڭ جىلدان اساتىن.
وتكەن دەمالىس كۇندەرى كاليفورنيا مەن نيەۆاداعا قار ارالاس جاۋىن مولشەردەن كوپ جاۋىپ كوپتەگەن اعاشتىڭ قۇلاۋىنا جانە سۋ باسۋعا سەبەپشى بولدى.
سەكۆويا دىڭىندە كولىك وتەتىن قۋىس 1980-جىلى الىپ اعاشتار وسەتىن كالاۆەراس ساياباعىنا تۋريستەر تارتۋ ءۇشىن جاسالعان.
اعاشتىڭ قۇلاپ قالعانى جونىندەگى سۋرەتتى ساياباق اكىمشىلىگىنىڭ فەيسبۋكتاعى پاراقشاسىندا ەرىكتى دجيم ولدەي جاريالادى.
الىپ سەكۆويا اعاشتارى كاليفورنيادا سەررا-نيەۆادا تاۋ بەتكەيلەرىندە وسەدى، ولاردىڭ ۇزىندىعى 70 مەتردەن اسىپ جىعىلادى.