07:40, 10 - قاڭتار 2017 | GMT +5
سينگاپۋر اۋەجايىندا سەگىز جىل ءومىر سۇرگەن ايەل
استانا. قازاقپارات - سينگۋاپۋر حالىقارالىق اۋەجايىندا جەرگىلىكتى ايەل سەگىز جىل بويى تۇرىپ كەلەدى، دەپ جازدى Strait Times.

باسپانا نەمەسە قۇجاتى جوق كۇتۋ زالىنداعى وزگە قاڭعىباس كورشىلەردەن ايىرماشىلىعى، ونىڭ قالانىڭ وزگە اۋدانىندا ءۇش بولمەلى پاتەرى بار.
2008-جىلعى قارجىلىق داعدارىس كەزىندە ايەل اقشا تاپشىلىعىنان اۋەجايدا ۋاقىتشا تۇرۋعا بەل بايلاعان جانە بىرنەشە جىلعا قالىپ قويعان. ول ءوز پاتەرىن جالعا بەرگەن.
ول اۋەجايدىڭ قولايلى جاعدايىنا ۇيرەنىپ قالدى. كۇتۋ زالىندا ۇنەمى سالقىنداتقىش ىستەپ تۇرادى، فۋد-كورت جانە سۋپەرماركەتتەر بار، دۋش پەن تەگىن Wi-Fi قولدانۋعا بولادى. ول ءوز پاتەرىن ساتۋدى جوسپارلاپ وتىر، اۋەجايدان ازىرگە كەتەر ءتۇرى كورىنبەيدى.
ودان بولەك، سينگاپۋر اۋەجايىندا 10 ادام ءومىر سۇرۋدە.