قىتايدا قازاقستاننىڭ اۋىل شارۋاشىلىعى ونىمدەرىنە سۇرانىس زور

بۇل تۋرالى بۇگىن «ۇلى جىبەك جولىندا بىرگە» بايقاۋىنىڭ جەڭىمپازدارىن ماراپاتتاۋ اياسىندا ب ا ق وكىلدەرىنە سۇحبات بەرگەن قىتايدىڭ قازاقستانداعى توتەنشە جانە وكىلەتتى ەلشىسى جاڭ حانحۋي ءمالىم ەتتى، دەپ حابارلايدى قازاقپارات.
«قىتاي قازاقستاننىڭ ورگانيكالىق اۋىل شارۋاشىلىعى ونىمدەرىن يمپورتتاۋعا مۇددەلىك تانىتادى. قىزىعۋشىلىق وتە زور. قازاقستاننىڭ ازىق- تۇلىك ونىمدەرى استىق، ۇن، بال، وسىمدىك مايى، اسىرەسە ەت قىتايدا وتە ۇلكەن سۇرانىسقا يە ءارى ۇلكەن تاپشىلىعى بار»، - دەدى قىتاي ەلشىسى.
ونىڭ اتاپ وتۋىنشە، بۇگىنگى كۇنى قىتايعا قازاقستاندىق ونىمدەردى يمپورتتاۋ ءۇشىن كەدەندىك جانە باسقا دا كەدەرگىلەردى الۋ باعىتىندا جۇمىستار جۇرگىزىلىپ جاتىر.
«ءبىز بارلىق كەدەرگىلەردى الىپ تاستاپ، پروبلەمالاردى رەتتەۋ جانە قىتاي نارىعىنا قازاقستاندىق ءونىم ءۇشىن جاقسى مۇمكىنشىلىك جاساۋ باعىتىندا جۇمىس ىستەۋدەمىز. بۇل قىتايلىق تۇتىنۋشىلار قازاقستاندىق ونىمدەردى كوپتەپ ساتىپ الۋى ءۇشىن جاسالۋدا»، - دەدى حانحۋي.
اۆتور: مارلان جيەمباي