قازاق ءتىلىن ۇيرەنگىسى كەلەتىن قىتايلىقتاردىڭ لەگى قالىڭ

استانا. قازاقپارات - قىتاي ستۋدەنتتەرىنىڭ كوپشىلىگى قازاق ءتىلىن ۇيرەنگىسى كەلەدى.
None
None

بۇل تۋرالى «ۇلى جىبەك جولىندا بىرگە» بايقاۋىنىڭ جەڭىمپازدارىن ماراپاتتاۋ اياسىندا ب ا ق وكىلدەرىنە سۇحبات بەرگەن قىتايدىڭ قازاقستانداعى توتەنشە جانە وكىلەتتى ەلشىسى جاڭ حانحۋي ءمالىم ەتتى، دەپ حابارلايدى قازاقپارات.

«مەن قازاق ءتىلىن ۇيرەنگىم كەلەدى. ءبىراق، ءتىل مەڭگەرۋدە قابىلەتىم تومەن بولىپ تۇر. قازاق ءتىلىن ۇيرەنۋدى ءالى باستاعان جوقپىن. ءبىراق الداعى ۋاقىتتا قولعا الاتىن بولامىن»، - دەدى ب ا ق وكىلدەرىنىڭ ساۋالىنا وراي.

قىتاي ەلشىسى ورىس ءتىلىن ۇزاق ۋاقىت وقۋدىڭ ارقاسىندا مەڭگەرگەندىگىن باسا ايتتى.

«قازاق ءتىلى قىتايدىڭ جوعارى وقۋ ورىندارىندا وقىتىلادى. ءبىز قازىردىڭ وزىندە ونداي مىندەتتى جوعارى ءبىلىم بەرۋ سالاسىنا قوستىق. قىتايدا قازاقستاندى زەردەلەۋمەن اينالىساتىن ءبىرقاتار ورتالىقتار بار ءارى قازاق ءتىلىن ۇيرەنگىسى كەلەتىندەردىڭ دە لەگى قالىڭ. شاڭحايدا جانە باسقا دا قالالاردا بار. قىتايعا جولدارىڭىز ءتۇسىپ جاتسا بارىپ، ءوز كوزدەرىڭىزبەن دە كورە الاسىزدار. وندا قازاق تىلىنە قىزىعۋشىلىق تانىتاتىن ستۋدەنتتەر وتە كوپ. ءبىزدىڭ قارىم- قاتىناسىمىزدىڭ تۇراقتىلىعى ءۇشىن بۇل قاجەت. مەنىڭشە، قىتاي تاراپىنا، بىزگە قازاق ءتىلى ماماندارى وتە كوپ كەرەك»، - دەدى حانحۋي.

اۆتور: مارلان جيەمباي

سوڭعى جاڭالىقتار