وسكەمەندەگى اكىمدىكتىڭ عيماراتى وقۋشىلار سارايىنا اينالادى

قازىرگى تاڭدا وقۋشىلار سارايىنىڭ ۇستازدارى مەن تاربيەلەنۋشىلەرى باسقا مەكتەپتەرگە بولىنگەن بۇرىنعى №3 -ورتا مەكتەپتىڭ عيماراتىندا ورنالاسقان. ەندى ول عيمارات قايتىپ مەكتەپكە اۋىسادى.
بۇگىن ءبىلىم، دەنساۋلىق ساقتاۋ جانە سپورت سالالارىنداعى جىلدىق جوسپاردى تالقىلاۋعا ارنالعان جينالىستا مۇعالىمدەر، دارىگەرلەر مەن سپورت مەكتەپتەرىندەگى جاتتىقتىرۋشىلاردىڭ بىلىكتىلىك دەڭگەيىن نىقتايتىن تەست بولاتىنى اتالىپ ءوتتى.
بەلگىلى بولعانداي، 2016 -جىلى ءبىر جارىم مىڭ اعىلشىن، قازاق جانە ورىس ءتىلى پاندەرىنەن ساباق بەرەتىن ۇستازدار «وسى تىلدەردىڭ سويلەۋشى- ماماندارىنان» قايتا دايارلاۋدان ءوتتى. ەندى مۇعالىمدەردىڭ ءوز پاندەرى بويىنشا ءبىلىم دەڭگەيلەرى تەست ارقىلى تەكسەرىلەدى. جۇمىس ارى قاراي جالعاسىن تابادى.
دەنساۋلىق ساقتاۋ باسقارماسىنا شەتەلدە بىلىكتىلىگىن ارتتىرۋ ءۇشىن 150 دارىگەردىڭ ءتىزىمى بەرىلگەن.
بۇرىن حابارلاعانداي، ءوڭىر 12 دارىگەردى قايتا دايارلاۋ ءۇشىن لوندونعا جىبەرگەن. «بۇل ءۇردىس جالعاسىن تابادى»، - دەدى اكىم دانيال احمەتوۆ. - بىلىكتىلىكتەرىن ارتتىرىپ كەلگەن سوڭ وڭىرىمىزدە 5 جىل جۇمىس جاساۋلارى قاجەت، ول تۋرالى ارنايى كەلىسىمشارت جاسالدى. كەلىسىمشارتتى ورىنداماعان جاعدايدى ماماندار قايتا دايارلاۋ ءۇشىن جۇمسالعان قارجىنى قايتارۋعا ءماجبۇر بولادى».
«ءبىزدىڭ اۋرۋحانالارىمىزدا مەديتسينا ماماندارىنىڭ تاپشىلىعىنا بايلانىستى ءتيىمدى پايدالانىلماي نەمەسە مۇلدەم قولدانىلماي تۇرعان جاڭا زاماناۋي قۇرىلعىلار كوپ. ءبىزدىڭ بىلىكتىلىگى جوعارى دارىگەرلەر كەرەك. الەمدىك تالاپتارعا ساي ەتىپ دارىگەرلەردىڭ بىلىكتىلىگىن ارتتىرۋ جۇمىستارى الدىمىزدا تۇر»، - دەپ ءتۇسىندىردى ول.