قانات يسلام كەلەسى جەكپە-جەگىنە دايىندىعىن باستادى

بۇل تۋرالى جۋرناليست بەرىك سۇلتان ءوزىنىڭ فەيسبۋكتەگى پاراقشاسىندا حابارلادى.
«دايىندىقتى باستاپ جىبەردىك. قانات يسلامنىڭ كەلەسى جەكپە- جەگىنە كيەتىن شورتى ديزاينى ءبىتتى. بۇل جولى اق ءتۇستى تاڭداپ وتىرمىز. شورتىدىڭ ەكى جاعى دا ويۋمەن ورنەكتەلگەن. سول قاپتالىندا بوكشىنىڭ جەكە لوگوتيپى ورنالاسقان. ال بەلىندە (الدىندا) بوكسشىنىڭ ەسىمى مەن تەگى، شورتىدىڭ ارتىندا لاقاپ اتى جازىلعان. بۇيىرتسا، جاقىن كۇندەرى كاسىپقوي رينگتە ءالى جەڭىلمەگەن باتىر ۇلدارىڭىزدىڭ كەلەسى جۇدىرىقتاساتىن كۇنى مەن ۋاقىتىن مالىمدەيمىز. بۇل جولى دا جەكپە- جەككە باس دەمەۋشىلىك تانىتىپ وتىرعان «Zhersu» كورپوراتسياسى، ياعني باۋىرجان وسپانوۆ.
ەسكە سالا كەتەيىك، باۋىرجان وسپانوۆ - قانات يسلامنىڭ وسى ۋاقىتقا دەيىن وتكىزگەن بارلىق جەكپە- جەگىنىڭ باس دەمەۋشىسى ءارى جاناشىر اعاسى. سونداي- اق بۇل جولعى جۇدىرىقتاسۋعا وزىندىك قولداۋىن ءبىلدىرىپ، دەمەۋشىلەر قاتارىنان كورىنگەن شىمكەنتتىك «Nuray construction» قۇرلىس كومپانياسى، ونىڭ باسشىسى سپورت جاناشىرى التاي اينابەك مىرزاعا دا ەرەكشە العىس بىلدىرەمىز. جەڭىسكە بىرگە جەتەيىك! جەكپە-جەك تۋرالى رەسمي حابارلاما كۇتىڭىزدەر. ا ق ش- تاعى بوكس كەشىن «قازاقستان» ۇلتتىق ارناسى كورسەتەدى دەپ جوسپارلانۋدا. قازاقتار، العا!» - دەپ جازدى بەرىك پاراقشاسىنا.
ايتا كەتەيىك، قانات يسلام 2012 -جىلى ءبىرىنشى ورتا سالماقتا WBA Fedecaribe تيتۋلىن جەڭىپ الدى. سپورتشى 2008 جىلعى وليمپيادا ويىندارىنىڭ قولا جۇلدەگەرى. ق ر ەڭبەك سىڭىرگەن سپورت شەبەرى. بۇرىن «Astana Arlans» (WSB) كومانداسىنىڭ كاپيتانى بولعان.
اۆتور: گۇلدەن وسپانوۆا