17:55, 09 - قاڭتار 2017 | GMT +5
سوت قاماۋعا الىنعان رەجيسسەرگە بۇلتارتپاۋ شاراسىن وزگەرىسسىز قالدىردى
الماتى. قازاقپارات - سوت تالعات جانىبەكوۆتىڭ بۇلتارتپاۋ شاراسىن وزگەرىسسىز قالدىردى، دەپ حابارلايدى قازاقپارات ءتىلشىسى سوت زالىنان.

«ونى 2-ايعا قاماۋعا الۋ تۋرالى شەشىم كۇشىندە قالدى»، - دەدى قورعاۋشى سەرىك ايتبايەۆ.
سوت وتىرىسىنا رەجيسسەردىڭ 20 عا جۋىق ارىپتەسى كەلگەن. الايدا، ولاردى سوت زالىنا كىرگىزبەدى.
ايتا كەتۋ كەرەك، سوت رەجيسسەر تالعات جانىبەكوۆتى 2 ايعا قاماۋعا الۋ تۋرالى شەشىم شىعارعان بولاتىن. كۇدىكتى ق ر ق ك 189 بابىنىڭ 4 -ءبولىمى بويىنشا ايىپتالىپ وتىر. وعان «فەنيكس» كينوفيلمىنە جۇمسالعان قارجىنى جىمقىردى دەگەن ايىپ تاعىلدى.
كۇدىكتى 12 -شىلدەدە ق ر مادەنيەت جانە سپورت ءمينيسترى ارىستانبەك مۇحامەدي ۇلىن اقشا جىمقىردى دەپ جاريالاعان بولاتىن.
شەنەۋنىك ءوزىنىڭ ار-ۇياتىنا كىر كەلتىردى دەگەن جەلەۋمەن رەجيسسەردى سوتقا بەرگەن ەدى. سوت شەشىمىمەن ول ايىپتى دەپ تانىلىپ 500 ا ە ك كولەمىندە ايىپپۇل تولەۋگە ءماجبۇر بولدى.
اۆتور: الماس مۇقاش ۇلى