تارازدىق پالۋان قازاقشا كۇرەستە تىڭ ءادىس ويلاپ تاپتى - كەسكىن

استانا. قازاقپارات - قازاقشا كۇرەستەن تارازدا وتكەن جارىستا پالۋان استانالىق قارسىلاسىن ەرەكشە ادىسپەن جىقتى.
None
None

سپورتشى جاساعان ەرەكشە ءادىستىڭ ۆيدەوسى الەۋمەتتىك جەلىلەردە پايدا بولدى. جازبادان كورەرمەننىڭ شەبەر ادىسكە قوشەمەت كورسەتكەنى ەستىلەدى.

Tengrinews.kz ءتىلشىسى پالۋانمەن سۇحباتتاستى. ونىڭ ەسىمى گاريپۋللايەۆ باحتان ەكەن. ول 22 جاستا، 66 كەلىگە دەيىنگى سالماق دارەجەسىندە كۇرەسەدى. ول قازاقستان چەمپيونى جانە سپورت شەبەرى ەكەن. «قازاقشا كۇرەسپەن 5 جاستان باستاپ اينالىسىپ كەلەمىن. ۆيدەوداعى كۇرەسىم فەدەراتسيا كۋبوگىنىڭ ءۇشىنشى ورنىنا تالاسقان كەز ەدى. جارىستاردا بۇل ءادىستى تۇڭعىش رەت قولداندىم. ونىڭ ءبىر اتاۋى جوق، ءبىراق ۇزاق ۋاقىت جاتتىقتىم. بۇل ءادىستى جاساعاندا باستىسى قارسىلاسىڭا سەزدىرمەۋ - كۇتپەگەن جەردەن جاساۋ كەرەك»، - دەدى پالۋان.

ونىڭ ايتۋىنشا، بيىل ناۋرىزدا الماتىدا قازاقشا كۇرەستەن جارىس وتەدى. باحتان وعان قاتىسىپ، وسى ءادىسىن قايتالاپ كورمەكشى ەكەن.

سوڭعى جاڭالىقتار