ۋاقىتشا تىركەۋگە بايلانىستى قازاقستاندا حالىققا قىزمەت كورسەتۋ ورتالىقتارى جاڭا جۇمىس كەستەسىنە اۋىستى

بۇل تۋرالى بۇگىن جۋرناليستەرگە «ازاماتتارعا ارنالعان ۇكىمەت» مەملەكەتتىك كورپوراتسياسى» مەملەكەتتىك قىزمەت كورسەتۋ ديرەكتسياسى ديرەكتورىنىڭ ورىنباسارى شوقان ءابدىلمانوۆ ءمالىم ەتتى.
«حالىقتى ۋاقىتشا تىركەۋ سياقتى قىزمەت تۇرلەرىنە سۇرانىس ارتقان سوڭ، بۇگىننەن باستاپ، ىشكى ىستەر مينيسترلىگىمەن كەلىسە وتىرىپ، پاتەردىڭ قاي اۋداندا ورنالاسقانىنا قاراماستان، ازامات كەز كەلگەن اۋدانداعى ح ق ك و بارىپ، تىركەۋ جۇرگىزە الاتىن ەتتىك. بۇرىن بۇنداي قىزمەت استانا، الماتى قالالارى مەن و ق و- دا بولماعان. مىسالى، استانا قالاسىندا ەسىل اۋدانىندا پاتەرى بار ادام، وعان باسقا ءبىر ادامدى تىركەۋ ءۇشىن نەمەسە ءوزى ۋاقىتشا تىركەلۋ ءۇشىن باسقا كەز كەلگەن اۋدانداعى ح ق ك و بارا الادى. بۇرىن ول تەك ەسىل اۋدانىنداعى ح ق ك و تىركەلە الاتىن» ، - دەپ ءتۇسىندىردى ش. ءابدىلمانوۆ.
«سونىمەن قاتار، حالىق اراسىنداعى سۇرانىس ارتقان سوڭ، ەرتەڭنەن (10 -قاڭتاردان باستاپ) باستاپ، حالىققا قىزمەت كورسەتۋ ورتالىقتارى تاڭعى ساعات 08.00-دەن باستاپ، كەشكى ساعات 20.00-گە دەيىن، ءۇزىلىسسىز جۇمىس ىستەيدى» ، - دەپ حابارلادى ول.
اۆتور: كەنجەكەي توقتامۇرات قىزى