قىتايدىڭ ورتالىق ازيا ءوڭىرىنىڭ ەكونوميكالىق ۇردىسىنە ارالاسۋى نىعايا تۇسەدى

بۇل تۋرالى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى، دەپ حابارلايدى قازاقپارات.
«2017 -جىلى بۇعان دەيىنگى جىلدارداعىداي ورتالىق ازيا وڭىرىنە قىتاي ينۆەستيسياسىنىڭ ءوسىمى نىعايا تۇسەدى دەپ كۇتىلۋدە. ءبىرقاتار بىرلەسكەن جوبا جۇزەگە اسىرىلىپ، ىسكە قوسىلاتىن بولادى. ولار تەك قازاقستاندا عانا ەمەس. ماسەلەن، تۇركىمەنستانمەن ورتالىق ازيا- قىتاي گاز قۇبىرى قۇرىلىسى جالعاسادى. بىشكەك ج ە س- ى قۇرىلىسى، قىرعىزستاندا «سولتۇستىك- وڭتۇستىك» اينالما جولى جوبالارى جۇزەگە اسىرىلادى. بۇگىنگى كۇنگە دەيىن قىرعىستاننىڭ سولتۇستىگى مەن وڭتۇستىگى «بىشكەك- وش» جولىمەن عانا بايلانىسىپ جاتقان ەدى. بيىل ەكىنشى بالاما جول پايدالانۋعا بەرىلەدى»، - دەدى قارين.
ونىڭ پايىمىنشا، بيىل قىتايدىڭ ورتالىق ازيا ءوڭىرىنىڭ ەكونوميكالىق ۇردىسىنە ارنالاسۋى نىعايا تۇسەدى. وعان قىتايدىڭ ورتالىق ازيا ەلدەرى ءۇشىن باستى ساۋدا سەرىكتەسى رەتىندەگى ۇستانىمىنىڭ ساقتالۋى مەن ءىرى ينۆەستيسيالىق جوبالاردىڭ جۇزەگە اسىرىلۋى قوزعاۋشى كۇش بولۋى مۇمكىن.
«سونىمەن قاتار قازاقستاندا دا 12 ينۆەستيسيالىق جوبانى بىرلەسە جۇزەگە اسىراتىندىعى كۇتىلۋدە»، - دەدى ول.
اۆتور: مارلان جيەمباي