قارين: سيريا مەن يراكتان ورتاازيالىق سودىرلاردىڭ ورالۋ قاۋپى كۇشەيە تۇسەدى

استانا. قازاقپارات - سيريا مەن يراكتان ورتاازيالىق سودىرلاردىڭ ورالۋ  قاۋپى كۇشەيە تۇسەدى. بۇل تۋرالى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى، دەپ حابارلايدى قازاقپارات.
None
None

«وكىنىشكە وراي، ءبىزدىم پايىمىزشا، 2017-جىلى ورتالىق ازيا ەلدەرى ءۇشىن قازىرگى تاياۋ شىعىستاعى جانجالدار تۇرعىسىنان الىپ قاراعاندا لاڭكەستىك تاۋەكەل ساقتالاتىن بولادى. بۇعان قوسا، وڭىردە راديكاليزمنىڭ ءورشۋ قاۋپى دە باسىم بولىپ تۇر. وسىلاردى ەسكەرە كەلە ءبىز وڭىردە راديكاليزم العىشارتى ساقتالادى دەپ ەسەپتەيمىز. سونىمەن قاتار سيريا مەن يراكتاعى قازىرگى احۋالدىڭ وزگەرۋىنە بايلانىستى ورتاازيالىق سودىرلاردىڭ ورالۋ قاۋپى دە وزەكتەنە تۇسەدى»، - دەدى قارين.

ونىڭ پايىمىنشا، اتالعان جايتتارعا بايلانىستى تاياۋ شىعىستاعى جاعدايدى شەشۋگە تارتىلعان نەگىزگى ويىنشىلار اراسىنداعى قارىم-قاتىناستاردىڭ شيەلەنىسۋى مەن اۋعانستانداعى ىشكى ساياسي جاعدايدىڭ ناشارلاۋى ايماق قاۋىپسىزدىگىنە كەرى اسەرىن تيگىزەدى.

اۆتور: مارلان جيەمباي

سوڭعى جاڭالىقتار