12:39, 09 - قاڭتار 2017 | GMT +5
ءدىني كىتاپتارى بار شەكارا بۇزۋشى ۇستالدى
استانا. قازاقپارات - سارىاعاش شەكارا وتريادىنا قاراستى «دارحان» زاستاۆاسىنىڭ شەكارا جاساعى مەملەكەتتىك شەكارانى ءوزىنىڭ قالاۋىنشا بۇزىپ وتۋگە تىرىسقان ازاماتتى ۇستادى، دەپ حابارلايدى ق ر ۇ ق ك ش ق باسپا ءسوز قىزمەتى.

باسقارۋ پۋلتىنە سيگنال تۇسكەن ساتتە شەكارا زاستاۆاسى «دابىل» بەلگىسى بويىنشا كوتەرىلگەن. اتالعان ۋچاستوكقا كەلىپ جەتكەندە، شەكاراشىلار قورشاۋ شارباعىن بۇزىپ وتكەن الدەكىمنىڭ ءىزىن بايقادى. ءىز بويىنشا قاراعاندا شەكارا بۇزۋشى قازاقستاننان وزبەكستانعا قاراي كەتىپ بارا جاتقانعا ۇقسايدى.
كوپ ۇزاماي شەكاراشىلار شەكارا بۇزۋشىنى ۇستادى. ول 32 جاستاعى وزبەكستان ازاماتى بولىپ شىقتى. قالتاسىنان 530 ا ق ش دوللارى، ءدىني سيپاتتاعى كىتاپتار تابىلدى. وزبەكستان-قازاقستان مەملەكەتتىك شەكاراسىن 2012-جىلدىڭ قاڭتار ايىندا وتكىزۋ بەكەتىنەن تىس جەردە كەسىپ وتكەندىگى انىقتالدى.
اتالعان دەرەك بويىنشا و ق و سارىاعاش اۋداندىق پروكۋراتۋراسى حابارلاندىرىلدى.