11:06, 09 - قاڭتار 2017 | GMT +5
قىتايدا سۋتەكتى ۇشاق سىناقتان ءوتتى
استانا. قازاقپارات - ق ح ر- دا سۋتەكتى وتىن ەلەمەنتىمەن ۇشاتىن ۇشاق سىناقتان ءوتتى. عالىمدار RX1E (ەلەكترلىك ەكى ورىندىق ۇشاق) بازاسىندا جاساعان كولىك شەنيان قالاسىنان ۇشىپ، 320 مەتر بيىكتىكتى باعىندىردى.

جاڭا ۇشاق 20 كۆت قۋات وڭدەۋگە قابىلەتتى سۋتەكتى وتىن ەلەمەنتىمەن جاراقتالعان، دەپ حابارلادى ريا نوۆوستي. ونىڭ ەسەبىنەن ۇشاقتىڭ اككۋمۋلياتورى ، سونداي- اق بورت جۇيەلەرى مەن ەلەكتر موتورى قۋات الادى.
قىتاي سۋتەكتى وتىنمەن ۇشاقتى سىناقتان وتكىزگەن ءۇشىنشى ەل. وسى ساتكە دەيىن ا ق ش پەن گەرمانيا عانا سۋتەكتى وتىن ەلەمەنتىمەن ۇشاقتاردى سىناقتان وتكىزگەن بولاتىن.