مىسىر باعاسى رەكوردتى ارزان بولاتىن كولىك قۇراستىرادى

دەپ حابارلايدى قازاقپارات «ال- احرام ەبدو» باسىلىمىنا سىلتەمە جاساپ.
كولىكتىڭ تەحنيكالىق سيپاتتامالارى، كولەمى جانە ءتىپتى، اتاۋى قۇپيادا ۇستالۋدا. دەگەنمەن، جاڭا مودەل تانىستىرىلاتىن كۇن بەلگىلەنىپ قويعان - 2017 -جىلدىڭ 30 - ماۋسىمى.
ماركەتينگىلىك زەرتتەۋلەر 92 ميلليوننان استام حالقى بار مەملەكەت ءۇشىن تازا مىسىرلىق اۆتونى قۇراستىرۋ قاجەتتىلىگى بۇرىننان تۋىنداعانىن ايتۋدا.
ساراپشىلاردىڭ پايىمىنشا، كولىكتىڭ باعاسى راسىمەن دە، باسەكەدەن تىس بولادى. سەبەبى، 2016 -جىلدىڭ سوڭىندا مىسىر دەفولتتى باستان وتكەردى. جەرگىلىكتى ۆاليۋتا - مىسىرلىق فۋنت ا ق ش دوللارىمەن سالىستىرعاندا ەكى ەسەدەن استامعا ارزاندادى.
بۇعان دەيىن مىسىرلىق ينتەرنەت- ب ا ق- تار ەلدە ءۇندىستاندىق Nano كولىگىنىڭ كلونىن قۇراستىرۋ ءىسى قولعا الىناتىندىعىن حابارلاعان بولاتىن. كولىك ارنايى ىستىق كليمات ءۇشىن جاساپ شىعارىلعان. ول 30 شاقىرىمعا 1 ليتر بەنزين تۇتىنادى، بارىنشا جوعارى جىلدامدىعى ساعاتىنا 90 شاقىرىم.
فوتو: © «ر ي ا نوۆوستي» سايتىنان