10:28, 09 - قاڭتار 2017 | GMT +5
جاپونيا مارسقا شاعىن زەرتتەۋ اپپاراتىن جىبەرگەلى جاتىر
استانا. قازاقپارات - جاپوندىقتار مارستى زەرتتەۋ ءۇشىن 2020-جىلعا قاراي كىشىگىرىم جانە ارزان اپپارات جاساۋدى كوزدەپ وتىر.

ونىڭ سالماعى بار بولعانى 140 كەلى بولماق. بۇل الدىڭعى قۇرىلعىلاردان ون ەسە جەڭىل، دەپ حابارلايدى ت ا س س اگەنتتىگى Yomiuri باسىلىمىنا سىلتەمە جاساپ.
مۇنداي اپپاراتتىڭ قۇنى دا ارزان، نەبارى 1-2 ميلليارد يەندى (شامامەن 8,5 - $17 ميلليون) قۇرايدى. ازىرگە ا ق ش، رەسەي، بىرىككەن اراب امىرلىكتەرى 2020-جىلعا قاراي مارسقا سالماعى اۋىر زەرتتەۋ اپپاراتتارىن جىبەرۋگە نيەتتەنىپ وتىر.
بۇل زوندتاردىڭ بىرىنە جاپوندىق كىشكەنتاي اپپاراتتى قوندىرۋ جوسپارلانعان. مارس وربيتاسىنا شىققان سوڭ ول ءبولىنىپ، پلانەتاعا جەكە ءوزى قوناتىن بولادى.