پرەزيدەنت «قىلمىس الەمىنىڭ سەركەسىن» جوعارى لاۋازىمعا تاعايىندادى

بۇل پرەزيدەنت شاۆكات ميرزيايەۆ جاساعان كادرلىق وزگەرىستەردەن كەيىن بەلگىلى بولعان، دەپ حابارلايدى ورتالىق ازيانىڭ جاڭالىقتار قىزمەتى.
وزبەكستاننىڭ ۇلتتىق وليمپيادا كوميتەتىنىڭ ءتوراعاسى بولىپ «وزبەك مۇناي گاز» ۇلتتىق كومپانياسىنىڭ باسقارما باسشىسى اليشەر سۋلتانوۆ سايلانعان. وزبەكستانعا تانىمال كاسىپكەر ساليم ابدۋۆاليەۆ بولسا، ونىڭ ورىنباسارى بولىپ تاعايىندالعان.
2011-جىلى Wikileaks سايتىندا جاريالانعان ديپلوماتتاردىڭ حاتتارىندا 2004-2007-جىلدارى تاشكەنتتە ا ق ش ەلشىسى بولىپ قىزمەت اتقارعان دجون پۋرنەلل ساليم ابدۋۆاليەۆتى وزبەكستانداعى «قىلمىس الەمىنىڭ سەركەسى» رەتىندە سيپاتتاعان.
2008-جىلى وزبەكستاننىڭ قايتىس بولعان تۇڭعىش پرەزيدەنتى يسلام كاريموۆ ساليم ابدۋۆاليەۆتى ەلدەگى سپورتتى دامىتۋداعى ەڭبەگى ءۇشىن ارنايى ماراپاتتادى. 1997-جىلدان بەرى ساليم ابدۋۆاليەۆ وزبەكستاننىڭ سپورت كۇرەسى قاۋىمداستىعىنىڭ پرەزيدەنتى. كەيبىر مالىمەتتەرگە قاراعاندا ول وليمپيادا ويىندارىندا وزبەكستاننىڭ قۇراما كومانداسىن قارجىلاندىرادى.