08:31, 09 - قاڭتار 2017 | GMT +5
بەيجىڭدە ەكولوگيالىق پوليتسيا قۇرىلدى
استانا. قازاقپارات - بەيجىڭ بيلىگى كوك تۇتىنمەن كۇرەسۋگە باعىتتالعان جاڭا ەكولوگيالىق پوليتسيانى قۇردى.

بۇل تۋرالى The Telegraph اگەنتتىگى حابارلادى.
جاڭا قۇرىلىمنىڭ مىندەتىنە قوقىستى، اعاشتى، سونداي- اق بيوماتەريالداردى زاڭسىز جاعۋ وقيعالارىن باقىلاۋ كىرەدى. ونىمەن قوسا، ەكولوگيالىق پوليتسەيلەر اشىق اسپان استىندا باربەكيۋ دايىنداماق بولعانداردىڭ ارەكەتىن كەسەتىن بولادى.
Іenta.ru-دىڭ جازۋىنشا، قىتايدا سوڭعى جىلدارى ەكولوگيالىق احۋال كۇرت كۇردەلەنە ءتۇستى. اۋاعا ونەركاسىپتىك شىعارىندىلار قوسپالارىنىڭ تىم كوپ لاقتىرىلۋىنان قالا ءجيى قويۋ ءتۇتىن قۇرساۋىندا قالادى.
قاڭتار ايىنىڭ باسىندا بەيجىڭدە اۋانىڭ لاستانۋىنىڭ ەكىنشى - «سارعىلت» دەڭگەيى ەنگىزىلدى. وسىعان بايلانىستى، قالانىڭ جوعارى جىلدامدىقتى التى كۇرە جولىندا كولىك قوزعالىسى توقتاتىلدى. سونداي- اق ءبىرقاتار قۇرىلىس نىساندارى مەن كاسىپورىنداردا جۇمىستار ۋاقىتشا توقتاتىلدى.
فوتو: Liga.net