قىتايداعى قانداستارىمىز ديماش قۇدايبەرگەنوۆكە قولداۋ كورسەتپەك

بۇل تۋرالى بۇگىندە قىتايدا تۇراتىن قانداستارىمىز الەۋمەتتىك جەلىدە جارىسا جازىپ جاتىر.
جەلى قولدانۋشىنىڭ ءبىرى: «2017-جىلعى قىتايدا وتەتىن سۋپەر قويىلىمعا قازاقستان ءانشىسى ديماش قۇدايبەرگەنوۆ قاتىساتىنى بەلگىلى بولدى. ءبىز بۇل قازاقستاندىق ءانشىنى «ءدايديداۋ» ءانى ارقىلى جاقسى تانيمىز. بارلىق قانداستار بۇل حابارمەن بولىسە وتىرىپ، ەكران الدىندا ديماش باۋىرىمىزعا بارىنشا قولداۋ كورسەتىپ، داۋىس بەرەيىك اعايىن»، - دەپ جازادى.
ەكىنشى ءبىر جەلى قولدانۋشىسى جارىستىڭ تىكەلەي ەفيردە قاشان كورسەتىلەتىنىن دە اتاپ وتكەن. «بۇل تەلەقويىلىمنىڭ ءبىرىنشى كەزەڭى قاڭتاردىڭ 21- كۇنى كەشكى ساعات 22:30-دا (جەرگىلىكتى ۋاقىتپەن - اۆتور) «حۋنان» تەلەارناسىندا كورسەتىلەدى. قايدا جۇرسەكتە ءوز باۋىرلارىمىزعا دەمەۋ بولايىق. قازاق ءانى ميلليادتاردى تامساندىرسىن، تەك قانا العا! ءبىز ساعان جەڭىس تىلەيمىز ديماش»، - دەپ جازادى.
اۆتور: كۇنسۇلتان وتارباي