14:57, 08 - قاڭتار 2017 | GMT +5
بۇگىن تاراز قالاسىنىڭ تاريحي اتاۋى قايتارىلعان كۇن
استانا. قازاقپارات - وسىدان جيىرما جىل بۇرىن، 1997-جىلى 8- قاڭتاردا قازاقستان رەسپۋبليكاسىنىڭ پرەزيدەنتى ن. نازاربايەۆتىڭ جارلىعىمەن جامبىل قالاسىنىڭ اتى تاراز بولىپ وزگەرتىلدى.

ۇلى جىبەك جولى بويىندا ورنالاسقان بۇل قالا ءار جىلدارى اۋليە-اتا، ميرزويان، جامبىل دەپ اتالعان. «تاراز» اتاۋى ءبىزدىڭ داۋىرىمىزگە دەيىنگى 1- عاسىردىڭ ورتاسىنداعى قىتاي دەرەكتەرىندە ساقتالعان.
بۇگىندە تاراز جامبىل وبلىسىنىڭ اكىمشىلىك ورتالىعى جانە فوسفور وندىرىسىمەن تانىمال. 2002-جىلى تاراز ءوزىنىڭ 2000-جىلدىعىن اتاپ ءوتتى. قالاعا كەلگەن تۋريستەر ايشا ءبيبى، قاراحان، بابادجا حاتۋن، تەكتۇرماس كەسەنەلەرىن، نامەتباي مەشىتىن جانە ورتاعاسىرلىق مونشانى تاماشالاي الادى.
اۆتور: ايجان سەرىكجان قىزى