12:39, 08 - قاڭتار 2017 | GMT +5
الماتىدا «قازاق فيلم» الاياقتار جالعان كاستينگ جاريالاعانىن ەسكەرتتى
الماتى. قازاقپارات - شاكەن ايمانوۆ اتىنداعى «قازاق فيلم» كينوستۋدياسىنىڭ PR- ديرەكتورى دميتري شيشكين كينوستۋديانىڭ اتىن جامىلىپ جالعان كاستينگ جاسايتىن الاياقتاردىڭ كوبەيىپ كەلە جاتقاندىعىن ايتتى.

ونىڭ ايتۋىنشا، جاڭا جىلدىڭ الدىندا وسىنداي توپتاردىڭ ءبىرى اشكەرەلەنگەن. الاياقتار «قازاق فيلم» ستۋدياسىنىڭ جوباسى دەگەن جەلەۋمەن ءبىراز ادامدى الداپ، كاستينگكە قاتىسۋ ءۇشىن اقشا الىپ وتىرعان. كينوستۋديانىڭ جوبالارى جايلى ولار جاڭالىقتاردان ءبىلىپ وتىرعان. كەيىن كاستينگكە قاتىسام دەپ كەلگەن ادامداردان 500-1000 تەڭگە كيۆي-اميانعا اۋدارتىپ، سونان سوڭ زىم-زيا جوعالىپ وتىرعان.
«ەشبىر كاستينگكە اقشا تولەۋدىڭ قاجەتى جوق ەگەر سىزدەن اقشا سۇراسا پوليتسياعا حابار بەرىڭىز. كاستينگ تۋرالى اقپارات ارنايى اككاۋنتتاردا شىعادى. ونى باسپا ءسوز قىزمەتى ارقىلى تەكسەرۋگە بولادى. ەڭ باستى بەلگىسى اقشا تۋرالى اڭگىمە شىقسا، الاياقتارعا تاپ بولعانىڭىزدى تۇسىنسەڭىز بولادى»، - دەدى د. شيشكين.