12:18, 08 - قاڭتار 2017 | GMT +5
استانادا جاياۋ جۇرگىنشىلەر كولىك اپاتىنان عايىپتان امان قالدى - كەسكىن
استانا. قازاقپارات - استانادا رەسپۋبليكا داڭعىلىندا كولىك اپاتى بولىپ، 2 جاياۋ جۇرگىنشى جاپا شەكتى، دەپ حابارلايدى قازاقپارات ەلوردالىق ءى ءى د باسپا ءسوز قىزمەتىنە سىلتەمەمەن.

6- قاڭتار كۇنى 11 لەر شاماسىندا ورىن العان كولىك اپاتىنا قاتىستى پوليتسەيلەر اكىمشىلىك ءىس قوزعادى.
«BMW ماركالى جەڭىل كولىكتىڭ جۇرگىزۋشىسى رەسپۋبليكا داڭعىلىمەن كەلە جاتىپ، Toyota كولىگىنە سوڭىلعان. ول جىلجىپ بارىپ جاياۋ جۇرگىنشىلەردى سوققان. ولار جۇرگىنشىلەر جولاعىمەن، بەلگىلەنگەن تۇستان ءوتىپ بارا جاتقان. وقيعا سالدارىنان 1989 جانە 1972-جىلعى ازاماتتار جاراقات الدى»، - دەپ مالىمدەدى ءى ءى د باسپا ءسوز قىزمەتى.
BMW ماركالى اۆتوكولىكتىڭ جۇرگىزۋشىسىنە قاتىستى ق ر اكىمشىلىك قۇقىق بۇزۋشىلىق كودەكسىنىڭ 610- بابىنا سايكەس اكىمشىلىك حاتتاما تولتىرىلدى، انىقتاۋ جۇرگىزىلۋدە.
وقيعا ءساتى تۇسىرىلگەن ۆيدەونى فەيسبۋك قولدانۋشىسى ايان ەسەت جاريالادى.