تۇركيادا ولتىرىلگەن رەسەيلىك ەلشىنىڭ ىسىنە قاتىستى بەس ادام تۇتقىندالدى

كارلوۆ 19- جەلتوقسان كۇنى انكارادا فوتوكورمەنىڭ اشىلۋ سالتاناتى بارىسىندا اتىپ ولتىرىلگەن بولاتىن.
تۇرىك بيلىگىنىڭ مالىمەتىنشە، شابۋىلدى پوليتسيا قىزمەتكەرى ميەۆليۋت مەرت التىنتاش جاساعان، جەرگىلىكتى قاۋىپسىزدىك كۇشتەرى ونىڭ كوزىن سول جەردە جويعان بولاتىن. رەسەي سىرتقى ىستەر مينيسترلىگى وقيعانى تەراكتى دەپ اتادى. ر ف تەرگەۋ كوميتەتى «حالىقارالىق تەرروريزم اكتىسى» بابى بويىنشا قىلمىستىق ءىس قوزعادى.
حابارلانعانداي، تۇتقىندالعان بەس ازاماتتىڭ تورتەۋى التىنتاشپەن بىرگە ىشكى ىستەر ورگاندارىندا جۇمىس ىستەگەندەر. بەسىنشى تۇتقىندالعان - وپپوزيتسيالىق يسلام ۋاعىزشىسى فەتحۋللاح گۇلەننىڭ (FET) ۇيىمىنىڭ بەلسەندىسى.
پروكۋراتۋرانىڭ نۇسقاسى بويىنشا، FET تالىمگەرى سۋلەيمان ەرگەن بولىپ تابىلادى. ۇستالعان پوليتسيا قىزمەتكەرلەرىنىڭ اتى-جوندەرى دە جاريا ەتىلۋدە: يلكەر ەر، ابدۋلكادير ياگين، ەردوگان ەردينچلي جانە زيا شەحيوتگلۋ. ولارعا «قارۋلانعان تەرروريستىك ۇيىمنىڭ قاتارىندا بولۋ» دەگەن ايىپ تاعىلدى.