شۆارتسەنەگگەر ترامپتىڭ سىنىنا جاۋاپ رەتىندە ۆيدەو ۇندەۋ جازدى

كاليفورنيانىڭ بۇرىنعى گۋبەرناتورى ءوزىنىڭ ميكروبلوگىندا ۆيدەو ورنالاستىرىپ، وندا اۆراام لينكولننىڭ 1861-جىلدىڭ 4 -ناۋرىزىنداعى العاشقى يناۋگۋراتسيادا سويلەگەن ءسوزىن وقىپ بەردى.
«ءبىز قاس ەمەس، دوسپىز. ءبىز دۇشپان بولماۋىمىز ءتيىس. دەگەنمەن، قايشىلىقتار مۇمكىن بار شىعار، ءبىراق ولار دوستىعىمىزعا سىزات تۇسىرمەۋى كەرەك»، - دەپ وقي باستادى اكتەر.
«...سايلاۋالدى ناۋقان اياقتالدى، سايلاۋ ارتتا قالدى. ءبىز دۇشپاندار ەمەسپىز، ءبىز كورشى، دوس، ەڭ باستىسى، بارلىعىمىز - امەريكالىقتارمىز. امەريكانىڭ بەدەلىن ساقتاپ قالۋ ءۇشىن بىزگە كوپ ەڭبەكتەنۋ كەرەك. سوندىقتان، بىرلەسىپ جۇمىس ىستەيىك»، - دەدى ول.
ءسوزىنىڭ سوڭىندا شۆارتسەنەگگەر جاڭادان سايلانعان پرەزيدەنتكە ساتتىلىك تىلەپ، امەريكانىڭ بارلىق ازاماتىنىڭ يگىلىگىنە ءوزىنىڭ رەيتينگتەرى ءۇشىن ەڭبەكتەنەتىندەي كۇش جۇمسايتىنىنا ءۇمىت ءبىلدىردى.
دونالد ترامپ ءبىر كەزدەرى «جۇلدىزدىڭ شاكىرتى» قايىرىمدىلىق شوۋىن ءوزى دە جۇرگىزگەن ەدى. ءبىراق NBC ارناسى ونىڭ داۋ-دامايعا تولى بولعان سايلاۋالدى مالىمدەمەلەرىنەن كەيىن ميلليونەردەن باعدارلامادان كەتۋدى سۇراعان بولاتىن.