ەلىمىزدەگى تۇڭعىش ءجۇن وڭدەۋ فابريكاسى ەكسپورتقا ءونىم شىعارا باستايدى

70 ادام جۇمىس ىستەيتىن ەڭبەك ۇجىمى دەپۋتاتتارمەن كەزدەسۋدە بولاشاق جوسپارلارىمەن ءبولىستى. زاماناۋي تەحنولوگياعا نەگىزدەلگەن فابريكا ءونىمى نەگىزىنەن ەكسپورتقا باعىتتالعان.
قازىردەن رەسەي، بەلارۋس، يتاليا مەن شوتلانديادان تاپسىرىستار تۇسە باستادى. تاۋاردىڭ العاشقى لەگى ەۋروپاعا جول الدى. تابيعي تازا ونىمگە الەمدىك نارىقتا قاشاندا سۇرانىس جوعارى. سونداي- اق اتىراۋدا شىعارىلعان ونىمدەر ەكسپو-2017 كورمەسىنە دە قويىلماق. فابريكا جۇمىسىمەن تانىسقان دەپۋتاتتار ساپالى دا ارزان وتاندىق ونىمدەردىڭ ىشكى نارىقتان دا ورىن الۋىنا مەملەكەتتىك دەڭگەيدە قولداۋ بىلدىرەتىندەرىن ايتتى.
بەيبىت مامىرايەۆ، ق ر پارلامەنتى ءماجىلىسىنىڭ دەپۋتاتى - ونداي ۇسىنىستى ءبىزدىڭ جاسايتىن مۇمكىنشىلىگىمىز بار. ءتىپتى قاجەت بولاتىن بولسا، بۇگىنگى زاڭدارعا قوسىمشا وزگەرىستەر ەنگىزۋگە دە مۇمكىندىگىمىز بار. سوندىقتان كەزدەسۋلەر بارىسىنداعى وسىنداي سۇراقتاردى، ويلاردى تۇيىندەپ جيناپ ءبىز پارلامەنت قابىرعاسىندا تالداۋعا سالامىز. ال جالپى ءوزىمىزدىڭ وتاندىق بۇيىمداردى، ونىمدەردى ەڭ الدىمەن ءوزىمىز پايدالانۋىمىز كەرەك.
www.khabar.kz