13:55, 07 - قاڭتار 2017 | GMT +5
يليا يليننىڭ «التىن» مەدالى كىمگە بۇيىردى؟
استانا. قازاقپارات - پولشا سپورتشىسى شيمون كولەتسكي رەسمي تۇردە 2008 -جىلعى بەيجىڭ وليمپياداسىنىڭ 94 كەلىگە دەيىنگى سالماقتاعى چەمپيونى اتاندى.

بۇل تۋرالى پولشا اۋىر اتلەتيكا قاۋىمداستىعىنىڭ سايتى جازدى دەپ حابارلايدى Baq.kz.
بۇل اقپاراتتى حالىقارالىق اۋىر اتلەتيكا فەدەراتسياسى ءوزىنىڭ رەسمي سايتىندا جاريالاعان. بەيجىڭدە 2008 -جىلى الىنعان دوپينگ- سىنامانى قايتا زەرتتەۋ ناتيجەسىندە «التىن» يەلەنگەن يليا يلين مەن 3-ورىن العان رەسەيلىك حادجىمۇرات اقايەۆتىڭ قانىنان تىيىم سالىنعان زات تابىلدى.
ال ول كەزدە شيمون كولەتسكي ەكىنشى، گرۋزيانىڭ اتىنان سىنعا تۇسكەن ارسەن كاسابيەۆ 4-ورىن يەلەنگەن ەدى. ەندى ولار، تيىسىنشە، التىن جانە قولا مەدالداردى الادى دەپ جازادى sports.kz.