يراك اسكەرى العاش رەت موسۋلعا باسىپ كىردى

ءابۋ- دابي. قازاقپارات - يراكتىڭ ەليتالىق اسكەري بولىمشەسى العاش رەت موسۋل قالاسىنىڭ شىعىس بولىگىنە باسىپ كىردى، دەپ حابارلادى «قازاقپارات» ح ا ا ءتىلشىسى يراكتىق ب ا ق- قا سىلتەمە جاساپ.
None
None

كونترتەررورلىق شتاب باسپا ءسوز حاتشىسى ساباحا ءال- نۋماننىڭ ايتۋىنشا، بولىمشە تۇنگى ۋاقىتتا تيگر وزەنىنە ءوتىپ، «يسلام مەملەكەتى» سودىرلارىن مۋتاننا اۋدانىنا شەگىندىردى.

 «ارنايى جابدىق پەن توسىن ارەكەت ەلەمەنتىن پايدالاندىق، قارسىلاس تۇنگى ۋاقىتتا شابۋىلدايدى دەپ كۇتپەدى، الدىڭعى شابۋىلداردىڭ بارلىعى كۇندىزگى ۋاقىتتا بولعان»، - دەدى ءال- نۋمان. الدىن الا ا ق ش اسكەري ۇشاقتارى ي م نىساندارى بويىنشا اۋەدەن 19 رەت سوققى جاسادى. سالدارىنان ونداعان سودىر قايتىس بولدى، دەدى يراك اسكەرىنىڭ وكىلى. وسى اپتادا يراكتىڭ ەكىنشى ءىرى قالاسى - موسۋلدى «ي م» سودىرلارىنان ازات ەتۋ بويىنشا 12 اپتالىق ناۋقاننىڭ ەكىنشى فازاسى باستالدى. 100 مىڭداعان يراك اسكەرى مەن كۇرد قاۋىپسىزدىك كۇشىنىڭ قاتىسۋىمەن ۇيىمداستىرعان وپەراتسياعا قاراماستان، ي م كەسكىلەسكەن قارسىلىق تانىتۋدا. سودىرلار اسكەر نىساندارىن زاقىمداپ، سنايپەر، جانكەشتى لاڭكەستەردى پايدالانۋدا. «جاندى قالقان» رەتىندە قورعانۋ ءۇشىن موسۋلدىڭ بەيبىت تۇرعىندارىن پايدالانۋدا.

سوڭعى جاڭالىقتار