استانادا قار شىعاراتىن «كاماز» كولىكتەرى جەتپەي جاتىر

استانا. قازاقپارات - 2016 -جىلدىڭ قازانىنان بەرى استانانىڭ كوممۋنالدىق قىزمەتى 2 ميلليون 200 مىڭ تەكشە مەتر قار تازالاعان. قازىر نەگىزگى پروبلەمانىڭ ءبىرى - قاردى قالا سىرتىنا شىعاراتىن كولىكتەر جەتپەي جاتىر ەكەن.
None
None

 بۇل تۋرالى كەشە كەشكە قالا بويىنشا رەيد وتكىزگەن استانا اكىمىنىڭ ورىنباسارى قوسمان ايتمۇحامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىن تاڭەرتەڭ 1249 تەحنيكا شىقتى، كەشتەن بەرى 1500 تەحنيكا قار تازالاۋمەن اينالىسىپ جاتىر. قازىرگى ماسەلە - قاردى قالا سىرتىنا شىعاراتىن «كاماز» كولىكتەرى جەتپەي جاتىر. «كاماز» - دار قاردى قالاداعى ءۇش اۋداننىڭ ءارقايسىسىنا تيەسىلى، قالا سىرتىنداعى قار پوليگوندارىنا اپارادى. «كامازدى» قارعا تولتىرۋ ءۇش- اق مينۋت، ءبىراق، كولىكتىڭ پولگيونعا بارىپ كەلۋى ۇزاق ۋاقىت الادى»، - دەيدى اكىم ورىنباسارى ق. ايتمۇحامبەتوۆ.

بيىل قاردىڭ ەرتە ءارى كوپ جاۋعانىنا قاراماستان، قازىر قالانىڭ باستى كوشەلەرىن تازالاپ ۇلگەرىپ جاتىرمىز، دەيدى اكىمنىڭ ورىنباسارى.

«قازان ايىنان باستاپ 2 ميلليون 200 مىڭ تەكشە مەتر قار شىعاردىق. بىلتىر قىستا 2 ميلليون 900 مىڭ تەكشە مەتر قار شىعارىلعان ەدى. 2014 - جىلى 3.2 ميلليون تەكشە مەتر، 2015 -جىلى 3.4 ميلليون تەكشە مەتر قار شىعاردىق. الدا ءالى ءۇش اي قىس بار...» ، - دەيدى اكىم ورىنباسارى.

«جاڭا جىلدا حالىق توي تويلادى، ال، ءبىز جۇمىس ىستەدىك. تەك تۇنگى ساعات 22.00-02.00 ارالىعىندا عانا دەمالىس بولدى. قالاداعى ۇلكەن ماگيسترالدى كوشەلەردى قاردان تازالاپ قويدىق، تەك ەندى ۇيلەردىڭ اراسىن، تار كوشەلەردى، مەكتەپتەر مەن ەمحانالاردىڭ جانىن تازالاۋ قالدى. تاڭەرتەڭ قالا تۇرعىندارى ءبىزدىڭ جۇمىسىمىزدىڭ ناتيجەسىن كورەدى»، - دەيدى جۋرناليستەرمەن اڭگىمەلەسكەن استانا قالاسى اكىمىنىڭ ورىنباسارى قوسمان ايتمۇحامبەتوۆ.

الماتى اۋدانى بويىنشا تازالاناعان قار - جىلۋ ەلەكتر ستانسيالارىنىڭ جانىنداعى قار پوليگونىنا، ەسىل اۋدانىندا تازالانعان قار قوسشى اۋىلىنا قاراي، سارى ارقا اۋدانىنان تازالانعان قار استانا- كوكشەتاۋ تاسجولىنىڭ بويىنداعى پوليگونعا شىعارىلادى ەكەن.

«كوكتەمدە قالانى قاردىڭ سۋى باسادى دەگەن قاۋىپ جوق. بىرىنشىدەن، قاردىڭ ءبارى ارنايى پوليگونعا توگىلەدى. ەكىنشىدەن، قالانىڭ كوشەلەرىن قاردان تازالاپ بولعان سوڭ، ساياباقتار مەن گازوندارداعى قاردى دا ابدەن تازالايمىز»، - دەپ سەندىردى اكىمنىڭ ورىنباسارى.

سوڭعى جاڭالىقتار