چىڭ لۇڭ اۋرۋحاناعا بارۋدان وتە قورقادى

الايدا، اكتەرلىك ومىرىنەن بولەك جەكيدىڭ قانداي قىزىقتارى بار ەكەنىن ءبىرى بىلسە، ءبىرى بىلمەس. سوندىقتان گونكونگ قالاسىنان شىققان چاننىڭ تۋعانىنان بەرگى ەرەكشە قىزىقتارىمەن تانىسا كەتسەڭىزدەر. دجەكي چان تۋعان كەزدە اتا- اناسى بريتانيالىق دارىگەر جىگىتكە ساتپاق بولعان. الايدا، بۇل وي جۇزەگە اسپاعان. بۇل كەزدى اكتەردىڭ ءوزى ازىلگە ارالاستىرىپ: "ەگەر مەن بريتان ازاماتىنا ساتىلعان كەزدە قىتاي ءتىلىن بىلمەيتىن، بريتانيالىق ازياتتىڭ ءبىرى بولار ەدىم. سونىمەن قاتار وسكەندە دارىگەر بولۋىم دا عاجاپ ەمەس"، - دەيدى.
1976 -جىلى كاسكادەرلىك پەن كينوداعى قيىن وقيعالاردى ءوزى سومداپ شىعاتىن جەكيدىڭ كوزىنە وتا جاسالعان. "پيانىي ماستەر" فيلىمىنىڭ كەزەكتى سيۋجەتىندە اكتەر كوزىنەن قاتتى زاقىمدانعان. دارىگەرلەر وتا جاساپ، بارلىعىن قالىپقا كەلتىرگەن كەزدە، ونىڭ ەكىنشى كوزىنەن ۇلكەن بولعانىن بايقاعان. سوڭىندا دارىگەرلەر اقىلداسا كەلىپ، ونىڭ كوزىن قالپىنا كەلتىرۋ ماقساتىندا كوموستىق وتا جاساعان. دجەكي چان كۇنىنە 3 ساعاتتىق جاتتىعۋ جاسايدى. ونىڭ ىشىنە 8 كيلومەترلىك كروسس جۇگىرۋ مەن ءتۇرلى دەنە جاتتىعۋلارى كىرەدى. سونىمەن قاتار شىعىس جەكپە- جەگىنىڭ دە ءادىس- تاسىلدەرىن قايتالاۋدى ۇمىتپايدى. كوپتەگەن تريۋك جاسايتىن اكتەردىڭ اۋرۋحانا مەن دارىلىك ينەدەن قاتتى قورقاتىنى بار ەكەن. مۇشەنىڭ سىنعانىنان ەمەس، دارىگەردىڭ الدىنا بارۋدان قاتتى سەسكەنەتىن اكتەر وسى ءبىر قورقىنىشىن جەڭە الماي كەلەدى.
اۋرۋحاناعا كوپ تۇسەتىن دجەكي ءار كەز ءۇش نارسەنى عانا ويلايدى ەكەن. نە بولدى؟ بۇل قانشالىقتى اۋىر؟ ءارى قاراي نە ىستەيدى؟ دجەكي چان ءوزىنىڭ وتباسىنا ەشقاشان قيىندىعىن ايتپاعان. اكتەردىڭ ومىرىندەگى ولىممەن ارپالىسقان 1985 -جىلعى موينىن سىندىرعان وقيعانى اتا- اناسى كوگىلدىر ەكراننان ەستىگەن. الايدا، ولارعا ءتىس جارماۋ ءۇشىن جارنامالىق روليكتىڭ ءبىر ءتۇرى دەپ الداعان. وتباسىنا قيىندىعىن كورسەتكىسى كەلمەگەن اكتەر ءالى كۇنگە دەيىن بۇل ادەتىن تاستاماعان سەكىلدى.
قىتاي ەلىندە دجەكي چان ۇلكەن قايرىمدىلىق شارالارىمەن اينالىسادى. وزگە ەلدەگى 50 قىتاي ءبۇلدىرشىنىن قورعاۋىنا الىپ، ولارعا جاعداي جاساعان. سونىمەن قاتار دجەكي چان اتىنداعى قور اشىپ، شىعىس جەكپە- جەگىن ۇيرەتەتىن مەكتەپ سالىپ بەرگەن. جەكي چان گيننەس رەكوردتار كىتابىنا ەنىپ ۇلگەرگەن اكتەر. ونىڭ جاساعان كەرەمەت ءبىر تريۋگى ءالى كۇنگە دەيىن ساقتالىپ تۇر. ول، "لورد دراكون" اتتى فيلمدە باقانى فۋتبول قاقپاسىنا تۋرا كىرگىزۋى كەرەك بولعان. الايدا، وسى ءبىر 10 مينۋتتىق كورىنىس ءۇشىن 2900 دۋبل، ەكى كۇن كەتكەن. سالاۋاتتى سپورت سالتىن قاتاڭ ساقتايتىن اكتەر ىشىمدىك، كوفە، تەمەكى سىندى زياندى زاتتاردان بويىن الىس ۇستاۋعا تىرىسادى. مۇنداي زياندى زاتتاردان ۇنەمى الشاق بولۋدى جاستارمەن كەزدەسكەن سايىن ايتىپ وتىرادى. مىنە، بۇل دجەكيدىڭ كوپ بىلمەيتىن قۇپيالارىنىڭ ءبىرى. ەگەر ءسىزدىڭ دە الىپ قوسارىڭىز بولسا، پىكىر رەتىندە قالدىرساڭىز بولادى.
Massaget.kz