قازاقستاندا «فيتازا» دەپ اتالاتىن جاڭا ءونىم نارىققا جول تارتتى

«فيتازا» دەپ اتالاتىن جاڭا ءونىم بيىل نارىققا شىعارىلادى. مەملەكەتتىك گرانتقا يە بولعان جوبا جايىندا ءتىلشىمىز تارقاتادى. 5 جىل بويعى عىلىمي زەرتتەۋ ءوز ناتيجەسىن بەردى. قۇس شارۋاشىلىعىنىڭ ونىمدىلىگىن ارتتىراتىن بۇل قوسپا «فيتازا» دەپ اتالادى. ۇلتتىق بيوتەحنولوگيالىق ورتالىقتا جاسالعان ءونىم جاقىن ارادا نارىققا جول تارتادى.
ارمان مۇساحمەتوۆ، ۇلتتىق بيوتەحنولوگيا ورتالىعىنىڭ تەحنولوگى:
- ءبىز جاساعان وندىرىستىك تەحنولوگيانىڭ وتە ءتيىمدى بولۋىندا. جاسالعان تەحنولوگيانىڭ نارىعىنداعى باسەكەلەستەرمەن تەرەزەسى تەڭ شىعۋىمىزدا. قازىرگى تاڭدا قازاقستان بويىنشا 35 ميلليون قۇس باسى بار. بۇل كورسەتكىش ءالى دە ءوسىپ كەلەدى. ءبىزدىڭ «فيتازا» سولارعا قاتتى كەرەك. ءبىزدىڭ «فيتازا» جىلىنا 10 مىڭ توننا سۇرانىسقا يە.
«فيتازا» عالىمداردىڭ ايتۋىنشا، قۇس بويىنا فوسفوردىڭ سىڭىمدىلىگىن ارتتىرادى. ناتيجەسىندە قۇستار جىلدام سالماق الادى. وزگە قوسپانىڭ ءتىپتى كەرەگى شامالى بولىپ قالادى. ءونىمنىڭ ەكونوميكالىق تۇرعىدان عانا ەمەس، سونىمەن قاتار ەكولوگيالىق جاعىنان دا پايدالى ەكەندىگى انىق بايقالادى. وسىعان دەيىن مۇنداي ءونىمدى قازاقستان قىتاي، مەكسيكا جانە ەۋروپا ەلدەرىنەن الىپ كەلدى.
الداعى ءۇش جىلعا ءونىم جاساۋشىلار مەملەكەتتەن 260 ميلليون تەڭگە كولەمىندە قارجى الىپ وتىر. 2019 -جىلعا قاراي ولار جىلىنا 4 مىڭ كەلى ءونىم شىعارماقشى. مۇنداي مۇمكىندىكتى ءوتىنىش بىلدىرگەن 300-دەن 30 جوبا جەڭىپ العان. قارجىنىڭ باسىم بولىگىن عىلىم قورى بەرەدى. بۇل ونىمگە وسى كۇنى جەكە ينۆەستورلار دا كوڭىل بولە باستادى. بۇل عىلىمي جاڭالىقتارعا مەلەكەتتىك گرانتتار يندۋستريالدى- يننوۆاتسيالىق دامۋدىڭ اياسىندا بەرىلۋدە. ولاردىڭ يەگەرلەرى كوبىنەسە تاماق ءوندىرىسى جانە فارماكولوگيالىق قۇرالدار شىعاراتىن كاسىپورىندار. ولاردىڭ قاتارىندا قالدىقتاردى قايتا وڭدەيتىن دە كاسىپورىن بار. مۇنداي قاجەتتى جوبالارعا مەملەكەت شامامەن 1 ميلليارد تەڭگە بولگەن.
www.24.kz