جاپونيا ەسكەرتكىش ءۇشىن وڭتۇستىك كورەياداعى ەلشىسىن كەرى شاقىرىپ الدى

استانا. قازاقپارات - جاپونيا ۇكىمەتى وڭتۇستىك كورەياداعى ەلشىسىن كەرى شاقىرىپ الدى. وعان پۋسان قالاسىنداعى ەكىنشى دۇنيەجۇزىلىك سوعىس كەزىندە ءلاززات ءۇشىن قۇلدىقتا ۇستالعان ايەلدەرگە ارنالعان ەسكەرتكىش سەبەپ.
None
None

 جەرگىلىكتى بەلسەندىلەر ءمۇسىندى جاپون كونسۋلدىعىنىڭ الدىنا ورناتقان. بۇل 2011 -جىلى سەۋلدەگى جاپونيا ەلشىلىگىنىڭ الدىنا تۇرعىزىلعان ەسكەرتكىشتىڭ كوشىرمەسى. ءبىراق 2015 -جىلى ەكى مەملەكەت سوعىس كەزىندە جاپون ساربازدارى ءۇشىن قۇلدىقتا ۇستالعان ايەلدەر ماسەلەسىن شەشۋ جونىندە كەلىسىمشارتقا قول قويعان. كەلىسسوز بارىسىندا جاپون وكىلدەرى تۇڭعىش رەت ءوز اسكەريلەرىنىڭ قىلمىسى ءۇشىن كەشىرىم دە سۇراعان. سونداي- اق، جاپا شەككەن ايەلدەرگە كومەك بەرەتىن قور قۇرعان. ءبىراق ەسكەرتكىشتى ورناتقان بەلسەندىلەر بۇل قۇجاتقا قارسى. رەسمي دەرەك بويىنشا، كورەيا، قىتاي، جانە تاعى باسقا ەلدەردەن 200 مىڭعا جۋىق ايەل جاپون جاۋىنگەرلەرىنىڭ جەكە قۇلدىعىندا بولعان.

www.24.kz  

سوڭعى جاڭالىقتار