ۋستريتسالار ادامدى قالاي ولتىرەدى

استانا. قازاقپارات - جاھاندىق جىلىنۋ سۋداعى زياندى باكتەريالاردىڭ كوبەيۋىنە اسەر ەتۋدە.

ءوز كەزەگىندە باكتەريالار سۋدا تىرشىلىك ەتۋشىلەردى ۋلاپ، ادامدار ولاردىڭ قۇربانىنا اينالۋدا.

يتاليا جانە ا ق ش عالىمدار توبى ۆيبريون تەكتەس باكتەريالاردىڭ تەڭىز سۋىنىڭ تەمپەراتۋراسىمەن، سونىمەن قاتار ولاردىڭ ادام ولىمىمەن بايلانىسىن زەرتتەدى.

زەرتتەۋ جۇمىسىنىڭ ناتيجەسى Proceedings of the National Academy of Sciences جۋرنالىندا جاريالانعان. بيولوگتار عىلىمي قوعامداستىق 1958-2011 -جىلدار ارالىعىندا جيناعان پلانكتون ۇلگىلەرىن زەرتتەگەن. سۋ تەمپەراتۋراسى جوعارىلاعاندا پلانكتونداعى باكتەريالاردى سالىستىرىپ، عالىمدار ءوزارا بايلانىستى اڭعاردى. ۆيبريون تەكتەستەردىڭ 40 تان استام ءتۇرى بار. ولاردىڭ بارلىعى دەرلىك اسقازان-اش ىشەك قابىنۋىنا، كەيدە تىرىسقاققا الىپ كەلەدى.

V. Vulnificus باكتەرياسىن جۇقتىرعان ادام سەپسيس، ءۇرپىنىڭ قابىنىپ اۋرۋى جانە جۇرەك- قان تامىرلار اۋرۋلارىنا شالدىعۋى مۇمكىن. ال V. Cincinnatiensis باكتەرياسىن جۇقتىرۋ سالدارى - ميدىڭ قابىنۋى مەن ميقۇرت. لاس سۋدان بولەك، باكتەريا كوزدەرى - لاس سۋمەن ۋلانعان اعزالار.

بالىقتاردا اۋرۋدىڭ جاسىرىن كەزەڭى 14 تاۋلىككە دەيىن سوزىلۋى مۇمكىن. الايدا بالىقتى دۇرىس ازىرلەگەندە ۆيبريونداردى جۇقتىرۋ قاۋپى تومەندەيدى. اسشايانداردىڭ ارقاسى تەز ارادا قارايىپ، اياقتارى قىزارادى. ال ۆيبريوزبەن زاقىمدالعان باساياقتى مولليۋسكالاردىڭ دەنەسىنىڭ كەي بولىكتەرى قارايادى. ءبىرىنشى كەزەكتە مولليۋسكالار، ودان كەيىن ۋستريتسالار - ادامداردىڭ ۆيبريوز جۇقتىرۋىنىڭ باستى سەبەبى.

2009 -جىلدان بەرى تەك ا ق ش- تىڭ وزىندە ۆيبريون جۇقتىرۋ سالدارىنان جىل سايىن 300 گە جۋىق ادام اۋرۋحاناعا ءتۇسىپ، 40 ادام كوز جۇمادى. 2014 -جىلعى دەرەك بويىنشا، مۇنداي دياگنوزبەن اۋرۋحاناعا تۇسكەن 10 ناۋقاستىڭ 7 ەۋى مولليۋسكالاردى تۇتىنعاننان كەيىن اتالعان دەرتكە شالدىققان. ال دەرتكە شالدىققاندار سانى قارقىندى تۇردە وسۋدە: 2006-2008 -جىلدارعا قاراعاندا، 2013 -جىلى ۆيبريوزعا شالدىققاندار سانى %43 دى قۇراعان. وسىلايشا، الەمدىك مۇحيت سۋىنىڭ تەمپەراتۋراسى جوعارىلاعان سايىن، باكتەريالارعا قولايلى ورتا تۋىنداپ، ادامدارعا تاعام ارقىلى اسەر ەتۋدە.

 

Stan.kz