ا ق ش- تىڭ قازاقستانداعى ەلشىسىنە تەز ارادا ەلىنە قايتۋ تۋرالى بۇيرىق كەلگەن
ولاردىڭ قاتارىندا قازاقستانداعى ديپلوماتيالىق ميسسيانىڭ جەتەكشىسى دجوردج ا. كرول دا بار دەپ حابارلايدى Skifnews.kz پورتالى.
مۇنداي جارلىقتى ا ق ش- تىڭ جاڭا پرەزيدەنتى دونالد ترامپتىڭ كومانداسى جاريا ەتتى دەپ جازادى The New York Times ەلشىلىك دەرەككوزدەرگە سىلتەمە جاساپ.
باسىلىمنىڭ حابارلاۋىنشا، بۇكىل الەمدەگى امەريكالىق ەلشىلەردىڭ بارلىعى دونالد ترامپتىڭ يناۋگۋراتسياسى كۇنى ءوز قىزمەتتەرىن بوساتۋى ءتيىس.
ال، ديپلوماتتاردىڭ كوبى بۇل شەشىمدى تىم اسىعىس قابىلدانعان دەپ وتىر. سوندىقتان، مەرزىمدى ءسال ۇزارتۋدى سۇراۋدا. ويتكەنى، كوشۋ مەن بالالارىن مەكتەپكە ورنالاستىرۋدىڭ ءوزى ءبىرشاما ۋاقىتتى الادى دەيدى ولار.
ايتا كەتەيىك، دجوردج كرول قازاقستاندا 2015-جىلدىڭ 8- قاڭتارىنان بەرى ەلشى بولىپ قىزمەت اتقارىپ كەلەدى. بۇعان دەيىن ول 3,5 جىلداي وزبەكستانداعى ديپميسسيانى باسقارعان.
دجوردج كرول قازاقستاندىقتاردىڭ ەسىندە قازاقشا سويلەۋىمەن ەستە قالاتىنى ءسوزسىز. قىسقا مەرزىم ىشىندە امەريكالىق ەلشى ءتىل ۇيرەنىپ، ءار مەرەكە سايىن ەل تۇرعىندارىن قازاق تىلىندە قۇتتىقتاپ وتىراتىن.
