استانادا بيىلعى جىلى بۇرىن- سوڭدى بولماعان مولشەردە قار جاۋدى

استانا. قازاقپارات - استانادا بيىلعى جىلى بۇرىن- سوڭدى بولماعان مولشەردە قار جاۋدى، دەپ حابارلايدى قازاقپارات.

سوڭعى جىلدارى ەلوردانىڭ كليماتتىق جاعدايلارى كۇرت وزگەرىپ، ادەتتەن تىس سۋىق اۋا رايىمەن، بۇرقاسىندارمەن جانە قاردىڭ قالىڭ تۇسۋىمەن ەرەكشەلەندى. اتاپ ايتقاندا، بيىل قالادا بۇرىن- سوڭدى بولماعان مولشەردە قار جاۋدى.

سينوپتيكتەردىڭ حابارلاۋىنشا، مۇنداي قالىڭ قار ەلوردادا سوڭعى ون جىلدا جاۋماعان. 2016 -جىلعى 13 قازان مەن 2017 -جىلعى 3 قاڭتار ارالىعىندا قار پوليگوندارىنا 2 ميلليون تەكشە مەتر قار شىعارىلعان. ال جالپى، جينالعان قاردىڭ كولەمى ءۇش ميلليون تەكشە مەترگە جۋىقتادى. وتكەن جىلداردىڭ حرونولوگياسى بويىنشا بۇل كورسەتكىشتەر جينالعان قاردىڭ كولەمىنەن بىرنەشە ەسە ارتىق. وتكەن جىلدارعا جۇرگىزىلگەن تالداۋ كورسەتىپ وتىرعانداي، 2014 -جىلى 3,2 ميلليون توننا، 2015 -جىلى 3,4 ميلليون توننا، ال 2016 -جىلى 2,9 ميلليون توننا قار شىعارىلعان، دەپ جازادى astana.gov.kz.

قازىرگى ۋاقىتتا كوممۋنالدىق جانە جەدەل قىزمەتتەردىڭ بارلىق كۇشتەرى قالانى سانيتارلىق تازارتۋ جۇمىستارىنا باعىتتالعان. ەڭ الدىمەن، الەۋمەتتىك ماڭىزدى نىسانداردىڭ اۋماقتارى تازارتىلۋدا: مەكتەپتەر، اۋرۋحانالار، بالاباقشالار، جاياۋ جۇرگىنشى جولدارى جانە قوعامدىق كولىك جۇرەتىن جولدار. تۇرعىن ۇيلەردىڭ اۋلالارى مەن ورامىشىلىك تەلىمدەردىڭ اۋماعىن جەرگىلىكتى پ ي ك- تەر ءوز كۇشتەرىمەن جينايدى.

جالپى مەحانيكالاندىرىلعان جۇمىستارعا 2177 ارنايى تەحنيكا، قولمەن جيناۋ جۇمىستارىنا - 2708 ادام تارتىلدى.