پاراليمپيادا چەمپيونىنا جومارت جاندار بەس بولمەلى ءۇي سىيلادى
جامبىلدىق قۇرىلىس كومپانيالارىنىڭ ءبىرى سپورتشىعا ارناپ تاراز تورىنەن 5 بولمەلى ءۇي سالىپ بەردى.
باسپانا 2 ايدا بوي كوتەرگەن. ىشىندە كەرەكتىنىڭ بارلىعى بار. ءتىپتى جاتتىعۋ بولمەسى دە قاراستىرىلعان. ءوزىنىڭ جەكە ۇيىنە قول جەتكىزۋ ءزۇلفيانىڭ ارمانى ەدى. سوندىقتان دا قۇرىلىس جۇمىستارى سپورتشىنىڭ ءوز جوسپارى بويىنشا جۇرگىزىلدى. چەمپيوننىڭ باسپاناسى «تاراز-ارەنا» سپورت كەشەنىنە ءتيىپ تۇر.
بۇل اۋدان جاتتىعۋ جۇمىستارىنا قولايلى بولۋى ءۇشىن ادەيى تاڭداپ الىنىپتى.
«مەنىڭ ارمانىم ورىندالدى. وسى ىسكە ۇلەس قوسقان بارشا جاندارعا كوپ راحمەت. بارلىق ادامدار ارماندار ورىندالاتىنىنا شىن سەنسە دەيمىن. سەبەبى الدىعا ماقسات قويساڭ، وعان جەتۋگە بولادى. مىنە، سونىڭ ءبىر دالەلى - مەنىڭ بۇگىنگى قۋانىشىم»، - دەيدى ريو-دە-جانەيرو پاراليمپياداسىنىڭ جەڭىمپازى ءزۇلفيا گابيدۋللينا.
