باراك وباما اسكەريلەرىمەن قوشتاسۋ راسىمىندە كۇلكىلى ءۋاج ايتتى

استانا. قازاقپارات - ا ق ش پرەزيدەنتى باراك وباما وسى ەلدىڭ اسكەريلەرىمەن قوشتاسۋ راسىمىندە كۇلكى تۋدىراتىن ۋاجدەر ايتىپ، د ا ي ش لاڭكەستىك توبىنىڭ السىرەۋىن ا ق ش ارمياسىنىڭ تالپىنىستارىنىڭ ناتيجەسى دەپ اتاپ: «ا ق ش ارمياسى كەز-كەلگەن قوقان- لوققىعا توتەپ بەرۋگە دايىن بولۋى كەرەك»، - دەپ قۋاتتاعانىن ايتادى "The Qazaq Times" پورتالى IRNA اقپارات اگەنتتىگىنىڭ حابارلاۋىنا سىلتەمە جاساپ.

وباما ۆيردجينيا شتاتىنداعى «مايەر- حەندەرسون حولل» اسكەري بازاسىندا سويلەگەن سوزىندە ا ق ش ارمياسىنىڭ امالدارىنا العىس ايتىپ، وسى ەل ارمياسى كۇشتەرىنىڭ يراك پەن اۋعانستاندا بولعان كەزەڭىنە توقتالىپ: «يراك پەن اۋعانستاندا لاڭكەستەردىڭ جويىلۋى امەريكالىق اسكەريلەردىڭ تالپىنىستارىنا قارىزدار»، - دەگەن ءۋاج ايتتى.

رەسمي دەرەكتەر بويىنشا، ۆاشينگتون مەن ونىڭ باتىس سەرىكتەستەرى، سونىڭ ىشىندە فرانسيا،  ۇلى بريتانيا مەن كەيبىر باتىس ەلدەرى پارسى شىعاناعى ماڭىنداعى كەيبىر اراب ەلدەرىمەن بىرگە تاياۋ شىعىستاعى لاڭكەستىك توپتاردىڭ قارجىلاي جانە قارۋ- جاراقتىق دەمەۋشىلەرى بولىپ سانالعان جاعدايدا ا ق ش پرەزيدەنتى اۋعانستانداعى لاڭكەستەردىڭ جويىلۋى جانە يراك پەن سيرياداعى د ا ي ش- كە قارسى كواليتسيانىڭ جەتىستىكتەرىنە توقتالدى.