قىرعىز دەپۋتاتى قازاقستاننان التىن قۇيمالار ساتىپ الۋعا قارسىلىق تانىتتى

استانا. قازاقپارات - قىرعىز دەپۋتاتى زيادين جامالدينوۆ قازاقستان ۇلتتىق بانكىنەن التىن قۇيمالار ساتىپ الىنۋىنا قارسىلىق تانىتتى.

5 - قاڭتار كۇنى جوگوركۋ كەنەشتەگى بيۋدجەت جانە قارجى كوميتەتىنىڭ وتىرىسىندا وسىنداي پىكىر ءبىلدىردى، دەپ حابارلايدى ۆەچەرني بيشكەك.

دەپۋتات اتاپ وتكەندەي، قازاقستاننان التىن ساتىپ الۋ - كورشى مەملەكەتتىڭ كاسىپكەرلەرىنە قولداۋ ءبىلدىرۋ.

قىرعىزستان ۇلتتىق بانكىنىڭ باسشىسى تولكۋنبەك ابدىگۋلوۆ وعان جاۋاپ رەتىندە قازاقستاندا 1, 2, 5, 10 جانە 31 گرامدىق التىن قۇيمالار دايىندالاتىندىعىن جانە قىرعىزستاندا ونداي التىننىڭ جوقتىعىن ايتتى. «رەسپۋبليكامىزدا التىن قۇيمالار دايىنداۋعا تەك «كىرگىزالتىننىڭ» ليتسەنزياسى بار. الايدا، ولار تەك 100-گرامدىق قۇيمالاردى جاسايدى، ءبىراق ءبىز سالماعى از التىن قۇيمالار تۋرالى كەلىسسوزدەر جۇرگىزۋدەمىز»، - دەپ قوستى ول.

سونداي- اق ول، قازاقستاننان ساتىپ الىناتىن التىن قۇيمالاردىڭ سالماعى 15 كەلىنى قۇرايتىندىعىن اتاپ ءوتتى.