ادامنىڭ اس قورىتۋ جۇيەسىندە جاڭا اعزا مۇشەسى انىقتالدى

استانا. قازاقپارات -  يرلانديانىڭ ليمەريكا ۋنيۆەرسيتەتىندە جاسالعان زەرتتەۋ كەزىندە ادامنىڭ اس قورىتۋ جۇيەسىنىڭ ءبىر بولىگى شاجىرقاي جاڭا كلاسسيفيكاتسيا الىپ، ەندى جەكە ءبىر اعزا مۇشەسى بولىپ سانالاتىن بولدى.

 بۇرىن شاجىرقاي اسقازان مەن ىشەكتى جالعاستىرىپ تۇراتىن بولشەكتەردەن تۇرادى دەپ ەسەپتەلىنگەن. ءبىراق يرلاندىق حيرۋرگ دج. كەلۆين كوففي ونىڭ شىن مانىندە جەكە ءبىر اعزا مۇشەسى ەكەنىن انىقتاپ وتىر.

پروفەسسور كوففيدىڭ ايتۋىنشا، ونىڭ زەرتتەۋى عىلىمدا جاڭا كەزەڭنىڭ اشىلۋىنا مۇمكىندىك بەرىپ وتىر. سونداي- اق ءبىرقاتار اۋرۋلاردىڭ نە سەبەپتەن تۋىنداپ وتىرعانىن انىقتاۋدا دا اعزا مۇشەسىنىڭ بەرەتىن كومەگى مول كورىنەدى. ەندى ونىڭ جۇمىس ىستەۋ فۋنكسياسىن زەرتتەۋ كەرەك.

«ءبىز شاجىرقايدىڭ اناتومياسى مەن قۇرىلىمىن انىقتادىق، ەندى ونىڭ اتقاراتىن قىزمەتىن زەرتتەۋىمىز كەرەك. ەگەر اعزا مۇشەسىنىڭ فۋنكسياسىن انىقتاساق، كەيبىر اۋرۋلاردىڭ تۋىنداۋ سەبەبىن دە بىلۋگە بولادى. بۇل ءوز رەتىندە شاجىرقايدى عىلىمي تۇرعىدا زەرتتەۋگە جول اشىپ وتىر»، -  دەدى كوففي.

www.khabar.kz