وڭتۇستىك ونەرپازدارى قىتايدا گاسترولدىك ساپارمەن بولدى
بۇل تۋرالى بۇگىن و ق و ايماقتىق كوممۋنيكاتسيالار قىزمەتىندە وتكەن بريفينگتە وبلىستىق مادەنيەت جانە حالىق شىعارماشىلىعى ورتالىعى ديرەكتورىنىڭ ورىنباسارى ب. جورابەكوۆ ايتتى، دەپ حابارلايدى و ق و اكىمىنىڭ باسپا ءسوز قىزمەتى.
سونىمەن قاتار، بۇگىنگى باسپا ءسوز ءماسليحاتىنا ق ر مادەنيەت قايراتكەرى، «قازىنا» بي ءانسامبلىنىڭ جەتەكشىسى ز. اجىبەكوۆا مەن ق ر مادەنيەت قايراتكەرى، «تۇركىستان» سارايىنىڭ كوركەمدىك جەتەكشىسى ا. يسايەۆا قاتىسىپ، قىتاي ەلىندەگى قانداستارىمىزدىڭ قازاق مادەنيەتىنە دەگەن ساعىنىشى تۋرالى ايتىپ بەردى.
ەل تاۋەلسىزدىگىنىڭ 25 جىلدىعىن مەرەكەلەۋ اياسىندا قىتاي مەملەكەتىندە وتكەن كونسەرتتىك باعدارلاما ق ر مادەنيەت جانە سپورت مينيسترلىگىنىڭ قولداۋىمەن ءوتتى.
قوس ەل اراسىنداعى دوستىق قارىم- قاتىناستى نىعايتۋ، مادەني ءىس- شارالار ارقىلى قانداستار رۋحىن اسقاقتاتىپ، مەرەكەلىك كوڭىل- كۇي سىيلاۋ ماقساتىندا وتكەن كونسەرتتىك شارا ءۇش كۇنگە جالعاستى.
بەرىك جورابەكوۆتىڭ ايتۋىنشا، اتالعان مەرەكەلىك شارا سانجى قالاسىنىڭ «اشىلى»، «مورگۋ» مادەنيەت ورتالىقتارىندا كۇنىنە 2 رەت ۇيىمداستىرىلدى. ونەرپاز توپ ىشىندە ق ر مادەنيەت قايراتكەرى ابلايحان وسپانوۆ، حالىقارالىق بي بايقاۋلارىنىڭ بىرنەشە دۇركىن لاۋرەاتى «قازىنا» بي ءانسامبلىنىڭ جەتەكشىسى، ق ر مادەنيەت قايراتكەرى ز. اجىبەكوۆا، كونسەرتتىك باعدارلامانىڭ رەجيسسەرى، ق ر مادەنيەت قايراتكەرى ا. يسايەۆا، حالىقارالىق ءان بايقاۋلارىنىڭ لاۋرەاتتارى، ءداستۇرلى ءانشى ر. احىنبەكوۆ، ەسترادا ءانشىسى گ. نۇرجانوۆا، ۆوكال ق. ابدۋشاريپوۆالار بار.
كونسەرتتىك باعدارلاما بارىسىندا ونەرپازدار فولكلورلىق- ەتنوگرافيالىق جانرلارمەن قوسا قازاقتىڭ حالىق اندەرىن، قازاق كومپوزيتورلارىنىڭ اندەرى مەن كلاسسيكالىق اۋەندەرىن، ەسترادالىق ءان تارتۋلارىن ارناپ، قانداستارعا مەرەكەلىك لەپ سىيلاپ، رۋحىن اسقاقتاتتى.
شارادان ەرەكشە اسەر العان كورەرمەندەر العىستارىن ءبىلدىرىپ، ەلدەن بارعان ونەرپاز توپقا قازاق كادەسىنە ساي سىي- قۇرمەت كورسەتتى.
