باتىس قازاقستاندىقتار قادىر مىرزا ءاليدىڭ تۋعان كۇنىن اتاپ ءوتتى- فوتو

ورال. قازاقپارات - بۇگىن ورالدا قازاقتىڭ ۇلى اقىنى، قازاقستان حالىق جازۋشىسى، مەملەكەتتىك جانە تاۋەلسىز «تارلان» سىيلىعىنىڭ يەگەرى قادىر مىرزا ءاليدىڭ تۋعان كۇنى كەڭىنەن اتالىپ ءوتىلدى،

 دەپ حابارلايدى «قازاقپارات» ح ا ا ءتىلشىسى.

قادىر اتىنداعى مادەنيەت جانە ونەر ورتالىعىندا ۇيىمداستىرىلعان شارالار الدىمەن اقىن ەسكەرتكىشىنە گۇل شوقتارىن قويۋمەن باستالدى. سودان كەيىن ورتالىق زالىندا «ءوز ءداۋىرىنىڭ ايناسى» اتتى ادەبي- مۋزىكالىق كەشتە قادىر ولەڭدەرى وقىلىپ، سوزدەرىنە جازىلعان اندەر ورىندالدى. سونداي- اق قادىر مىرزا ءالي اتىنداعى قوعامدىق قوردىڭ ۇيىتقى بولۋىمەن اقىن حاقىندا «قازاق فيلم» كينوستۋدياسى تۇسىرگەن «ماڭگى مايدان ساربازى» اتتى دەرەكتى فيلم ورالدا العاش رەت كورسەتىلدى.

شارا بارىسىندا بەلگىلى اقىن، قازاقستان جازۋشىلار وداعى ب ق و بولىمشەسىنىڭ ءتورايىمى اقۇشتاپ باقتىگەرەيەۆا، ولكەتانۋشى جايساڭ اقباي، وبلىستىق مادەنيەت، مۇراعاتتار جانە قۇجاتتاما باسقارماسىنىڭ باسشىسى داۋلەتكەرەي قۇسايىنوۆ، قادىر اتىنداعى قوعامدىق قوردىڭ ديرەكتورى، كومپوزيتور- ءانشى دونەدىل قاجىموۆ جانە باسقالار ءوز ەستەلىكتەرىمەن ءبولىسىپ، قادىرداي ۇلى اقىندى ەسكە الۋ جۇمىستارىنىڭ الداعى ۋاقىتتا دا جالعاساتىنىن جەتكىزدى.

 اقىنعا ارنالعان شارالار تۋعان جەرى سىرىم اۋدانىندا دا ۇيىمداستىرىلدى. جىمپيتى اۋىلىنداعى قادىر ەسكەرتكىشىنە گۇل شوقتارى قويىلىپ، ەڭبەك ارداگەرى، سىرىم اۋدانىنىڭ قۇرمەتتى ازاماتى كيم فەديانين ەستەلىگىن ايتسا، قادىر مىرزاليەۆ اتىنداعى مەكتەپ وقۋشىلارى اقىن ولەڭدەرىن وقىدى. بۇدان كەيىن اقىن اتىنداعى مەكتەپتە «قازىنالى قادىر الەمى» اتتى عىلىمي- تاجىريبەلىك كونفەرەنسيا ءوتىپ، جينالعاندار كەمەڭگەر تۇلعا تۋرالى ءوز وي- پىكىرلەرىمەن ءبولىستى.

  اۆتور: ەلجان ەرالى